Sulissutiginiarparput perorsaasut, peqatigiinnermut perorsaasut il.il. amerlanerit Kalaallit Nunaanni atorfinitsinneqarnissaat. Salliutillugit nunaqavissut. Pikkorissarneqartassappulli piginnaaneqarnerulersikkumallugit tassanilu Danmarki suleqatigineqarsinnaalluarpoq. Nunatsinni taakku akissarsiaat sulinermilu atugaat pitsanngorsarusuppagut. Amingaataaqaat aamma nassuerutigisariaqarparput pisariaqarmat Danmarkimut sulisussarsiornissaq, atorfiit inuttalersinnaanngisat inuttalerniarlugit. Piareersassaagut qularnaarlugu 2022-mi perorsaasut kattuffiata isumaqatigiinniarnerni kusanartumik angusaqarnissaa taamaasillutalu nunatsinni perorsaasut akissarsiarissaarnerulernissaat qularnaarlugu, perorsaasut akissarsiatigut, ajunngitsorsiatigullu Danmarkimi perorsaasutullu atugaqaleqqullugit. Folketingimi ilaasortat Danmarkimi Savalimmiunilu kattuffinnut attaveqarlualertariaqarput aamma piareersartariaqarput nuuttut oqaatsinut pikkorissarnissat taamatullu inuiaqatigiinnut akuunerulernissamut pilersaarutit.
Qularutigineqassanngilaq akissarsiat qaffannissaat anguniagaammat aamma inulerisut amerlanerulernissaat. Kalaalllit Nunaanni ilinniartitsineq pillugu Danmark suleqatigisariaqarparput, pikkorissaanerit aamma piginnaanngorsaanerit ilanngullugit. Aamma nammineq naammattunik peqalernissatta tungaanut atorfiit avataaneersunik ilinniarsimasunik inuttalerallartariaqarpagut. Soorunami kalaallit nunaanni oqaasissallit, kommuni il.il. suleqatiglugit.
Tigussaasoq aallartiffissarput:
Sulisartut kattuffiisa aamma Danmarkimi Kalaallit Nunaannilu kattuffiit akornanni attaveqatigiilluarnerunissaq. Inuiaqatigiinnut akuunerulersitsinissamut oqaatsillu pillugit suliniutissat pilersaarusiornerat.
Atorfillit akissarsiaasa qaffannissaat, immikkoortorlu piareersarneqassaaq tamanna piviusunngorpat taamaasilluta sulisartunik tikisitsinissatsinnut piareersaatit naammasereersimaqqullugit. Pikkorissarnerit, piginnaasanik qaffassaanerit aamma malitseqartitsilluni ilisimatusarnissat piaartumik isumannaarneqassapput.