Ullumikkut pingaartitagut, suliffissaaleqinermik inuttullu ajornartorsiulernernik kinguneqartitsisarput, kipiluttunartooqqanermik qimarratiginninnermillu. Nunatta Kujataani, innuttat ilaat ass. isumaqaleqapput, aatsitassarsiornissamik akuersaaginnartariaqassasutut inisseqqallutik, uranimik qalluinissaq tapertaalluni. Tamanna akuersaarneqarsinnaanngilaq. Paasissutissiissutinik tunngavilimmik tamakku ingerlanneqartartussaapput, qanoq ineriartorusunnermik kissaateqarnerluni, avatangiisinillu qajassuartumik, nunap inuinut suliffeqarnikkullu allatigut ingerlanneqartartussaapput. Imaanngilaq, taasissutigissagipput isumaqataanerluta isumaqataannginnerlutaluunniit taamaannera pissutigiinnarlugu.
Aatsitassarsiornikkut sulianut annertuunut sanilliussinnaavagut arriitsumik, ajortumik kinguneqartussaanngitsutigut misilittagaqariartuaarnikkut, annikutsukkaanik piiaanerit, siunissamullu pilersaarusiorluta sapinngisagut aallaavigalugit, aatsitassarsiornikkut piiaanikkulluunniit malinnaaffigilluarsinnaasatsigut. Sulisussat amerliartortillugit suliaq pitsanngoriartuaarluni.