Atorfilittat aqqutigalugit nunani allani sulineq Kalaallit Nunaanni ineriartortittariaqarparput. Ilinniartortatta pikkorinnersaat nunani allani aallartitaqarfinni sulilerumallutik qinnuteqartalertariaqarput. Maannakkut Washingtonimi, Bruxellesimi Islandimilu aallartitaqarfeqarpugut. Aallartitaqarfinni sulineq iluaqutissarsivigisinnaavarput aamma aallartitaqarfinni atorfillit ilinniarfigalugit suleqatigisinnaavaat Danmarkip aallartitaqarfii aamma nunat killiit allat aallartitaqarfii. Inuusuttortatta anguniartariaqarpaat ilinniarnissartik aallartitaqarfinni sulisinnaanngorlutik aamma aallartitaqarfinni sulisussatut nunarsuarmi sumiiffinni ataasiakkaani pikkorissarfigineqarsinnaavoq. Tamanna sulissutigissavarput, qaffakkiartorfissanngorlugu Danmarki suleqatigalugu aamma Folketingimi allamiut ilaasortaaqatigut. Misigisarparput ajoraluartumik politikkitta inerisimannginnera, aallartitaqarfinni sulisarnissaq eqqarsaatigalugu aamma nunap aqunneqarnera taamaattumik arlaleriarluta misigisarparput Naalakkersuisut assigiinngitsut assigiinngitsunik isummanik nalunaaruteqartarnerat soorlu Naalakkersuisuni ataatsimoorluni politikki pillugu.
Nunatsinni nunanut allanut suleqateqarnissamut paasinninnerulerutta kiisalu nunanut allanut politikki ilisimasaqarfiginerulerutsigut ajornartorsiutit taamaattut aanngassapput siunissami.
Naalakkersuisoqarfiit niuerfittut aallaavigineqassappata nunanut allanut suleqateqarneq pikkorinnerulerfigisariaqarparput partiit politikkikkut anneruniutaannik sunnerneqanngitsumik.
Kalaallit Nunaat nunanut angalanermi nittarsaanneqassappat ataatsimoortariaqarpugut aamma isumaqatigiissutit assortuussutigineqartariaqanngillat. Angusaqarniartoqartariaqarpoq ilisaritinniaannarani. Suliassanik aallertoqartariaqarpoq tassanilu Naalagaaffeqatigiit pinngitsoorsinnaanngilagut. Nunanut allanut angalangaangatta tamatta nunatsinnut ambassadøriusarpugut. Qujanassagaluaqaaq immitsinnut nittarsaalluarsinnaasuugutta aamma takutillugu saperata. Soorlu danskit Torontomi aallartitaqarfiat suleqatigineqarnissaminnut ammapput aamma ikiuukkusupput qularnanngilarlu aamma allani taamaassasoq. Nunani allaniinnaanngitsoq aamma nunatsinni piumasaqaataasariaqarpoq angusaqarluartarnissaq. Akisussaaffik politikeriniippat, taava politikerit isumagisariaqarpaat ineriartornerup akimmisaartinneqannginnissaa imaluunniit allaffissorpallaarnikkut sullissinerit paamaarunneqannginnissaat, taamaattumik “aporfiit” piaarnissaat sulissutigisariaqarparput.
Nunarsuarmi nunat allat niueqatiginerusariaqarpagut, nunatsinni inuutissarsiutit amerlanerit ineriartortittariaqarpagut aamma aningaasaliisoqarnissaa qularnaartariaqarparput – nunani allani aallartitaqarneq – aamma danskit aallartitaqarfii ambassadit konsulatillu suleqatigalugit aamma uangut nammineq aallartitaqarfitta suleqateqalernissaasa qularnaarnissaa pingaartorujussuuvoq. Taamaliorutta nukittunerulissaagut.
Tigussaasoq aallartiffissarput:
Qularnaarusupparput kalaallit ilinniartut paarlaasseqatigiittarnernut peqataasarnissaat, oqaatsinut pikkorissariartanrissaat aamma nunani allani atuartortarnissaat, aamma sulissutigaarput Meeqqat Atuarfiani oqaatsinut piginnaaneqarnerulernissaq. Sulissutiginiarparput suli amerlanerusut qarasaasiakkut oqaatsinut pikkorissartarsinnaanissaat, qarasaasiakkut soraarummeersinnaalernissaat aamma. Sulissutiginiarparput danskit ambassadiini aamma konsulaatiini kalaallit suleqataanissatta ineriartortinnissaa, nunani allani aamma sulissutiginiarparput kalaallit ilinniartut ilinniarnerminnut atatillugu nunarsumi aallartitaqarfinni sulisalernissaminnut ammaanneqarnissaat.
Siunissami politikerissat atorfilinngortussallu nukittorsarusuppagut, nunarsumi suleqataasinnaaleqqullugit.
UN, FN, EU aanna NATO suliffissatut assersuutaasinnaapput, nunap inoqqaavinut suliffittut aamma inooqataanermut sungiusarfittut, nunani allani atorfillit aqqutigalugit sulissutigissuarput iluaqutinngortillugulu. Pingaaruteqarpoq ilinniassagatsigu inersimasutut demokratimut ataqqinninnissarput aamma pikkorissuunissarput aamma uangut immikkut ilisimasalittatta Danmark suleqatigisariaqarpaat taakkunatigut. Niueqatigiilluarneq taamaaliorluta angussavarput, aamma ineriartortitsinermut programmit pilersissavagut soorlu nunaqarfinni illoqarfinnilu minnerni atorneqarsinnaasut kiisalu qularnaassavarput nunanik allanik suleqateqarnissaq. Ilisimatusarnermi suleqataasussat aamma ineriartornissamut pilersaarutit tigussaasut soorlu gletschermel, ikkasøjlerne, enzymnik piaaneq aallallu inuutissarsiutaalersinnaasutut periarfissat, angusaqarfigilluarnerussavagut nukittuunik atorfilittaqarutta aamma nukittuunik politikereqarutta
Ataatsimoorutta nukittunerussaagut.