Kalaallinut innuttaaqataasut Qallunaat-Nunaanni inunngornikuugaluarlunga nunaqqatittulli nunarput asatigaara.
Ukiorpanni kingullerni Kujataani alianaatsumi ineriartorneq tujorminaq malinnaaffigisimavara, allaannginnami Nuumminngaanniit aqutsisunit puigugaasimasugut.
Taartorsiortuusileraanni kiisa eqqarsarnarsivoq, Kujataa perlersiarineqartoq isumaliuutersuutaasimasoq ulorianartortaqangaartorlu Kuannersuarni GME´p suliniutaa aatsitassanik piiaanissaq aallartinneqarniassammat, uffa massa sutigut tamatigut ajornartorsiutaasoq, minnerunngitsumik avatangiisitigut sunniuteqaatissaasa suunissaat, iluamik suli paasilluarneqanngimmata.
Kalaallit-Nunaata pisariaqartinngisatuaraa, avatangiisinut kingunerlutsitsisinaasunik akoorutissanik kemikalianik, aalisagaqarfitta mingutsinneqarnissaa, aningaasaqarnitsigut isumalluutaarulluta.
Aalisarnermik Inuussutissarsiuteqarnerput tunuliaqutaavoq, massakkut avammut tunisassiornikkut isertitaqaatitsigut ingerlalluartiginitsinnut, inuiaqatigiinnut kalaallinut tamanut iluaqutaasumik.
Qanoq-ililluta mianersornitsigut toqqammivugut tamaasa miloriutissavagut uranimik piiaaffimmiik ammaaniaannarluta?
Sooq Tranbreezep aatsitassarsiornera aallartisarnianngilarput, ujaqqanik qaqutigoortunik allaat qalluisinnaalluta, mingutsitsinnginnerusuni tamani ineriartortitsinissamut tassa qorsummik taaneqartartumut iluaqusersuutaasinnaasoq nukissiorfinnik qorsunnik taasartagaannik pilersitsisinnaasoq, GME-llu uranisiorfissaanut sanilliullugu aningaasanik isaatitsivimmut pingaarnersamut aalisarnermut innarliisussaanani.
Taamaatumik-una Suleqatigiissitsisut GME Uranisiorfissaq naaggaarpaat Tanbreezellu piiaaffissaa akueralugu.
Suleqatigiissitsisut siunnersuutigivaat inuussutissarsiornikkut inerisaanermut Naalagaaffeqatigiinnerup iluani ataatsimoorussamik aningaasaateqarfimmik pilersitsisoqassasoq. Inuussutissarsiornikkut ineriartortitsinissanut siunertalimmik. Savalimmiut, Danmark Kalaallit Nunaallu nunami ukiumut aningaasanik isertitanit 0.25 % aningaasaateqarfimmut akiliutiginerisigut, ukiumut 5-6 milliarder kroner inuussutissarsiornikkut inerisaanermut, Naalagaaffeqataasut peqataasut arlaqartillugit atorneqarsinnaalissapput.
Takorluulaaruk Nunatsinni inuussutissarsiornikkut inerisaanermut qanoq sunniuteqarsinnaatigissanersoq, taamaalillutami politikkikkut attuumassuteqanngitsunik politikkikkullu piumasaqaatitaqanngitsunik inuussutissarsiornikkut inerisaanermut aningaasanik aallerfissaqalissagatta. Naalagaaffeqatigiinni ataatsimoorussamik pilersitsinermi Namminersuleratta inatsimmi qulakkiigarput, tassa Namminiilivinnissamut aqqutissaq qulakkeerneqassagaluarpoq, Naalagaaffeqatigiinneq, uannut amerkasuunullunpingaaruteqaqisoq,
Naalagaaffeqatigiinnerullu iluani ineriartorneq qaffasissoq pinngussooq – peqatigiillutami nukittunerussaagut. Inuussutissarsiorneq politikkikkut attuumassuteqanngitsunik aningaasaateqarnikkut inerisarneqarsinnaanngorluni aammattaaq Nunatta karsiata aningaasaataat pisariaqartitsisunut, peqqinnissaqarfimmut, meeqqanut utoqqarnullu atorneqarnerusinnaanngussapput. Aningaasaliissutit annerpaartaasa nunatsinniiginnarnissaat aamma qularnaannerulissaaq nunarpullu tamatta kissaaterput malillugu sanarfisinnaanngussallutigu.
Suleqatigiissitsisunik taasineq tassaavoq Nunatsinni akisussaasusilimmik, sapinngisamillu Naalagaaffeqatigut peqatigalugit, inuussutissarsiornikkut inerisaanermut taasineq.
Suleqatigiissitsisut qinikkit – Kim Lyberth qineruk!