Qujanarsuaq tapersersuiuarnissinnut!
Oqaluttuartarsimanngikkaluarussi, piviusumik isiginnittuunngikkaluarussi, oqaatsinik silassorissunik tunioraasimanngikkaluarussi, qineqqusaarnerput nikallunganarlunilu qasertuinnarsuusimassagalaurpoq.
Avannaaniik Kujataanut Kangianiik Kitaanut oqaluttuassasi oqimaatsut tunniussorpasi, soorluli isiginnaagassiami ”Kalaallit-Nunaannik pillugu akiuunneq”´ mi oqaatigigiga. Inuiaqatigut tulluusimaarutigitsiarlakka.
Oqaluttuat, ilaqutaariit nuannersut pillugit, inersimasut illersuerusussusillit, Qallunaat-Nunaannullu sanilliulluta imigassartunnginnerunerput, tamakkuupput kinaassutsitsinnut ikkunnikut! Amerlaqaat inunnik inunnerminni amigaateqartunik qausuillutik sullissisunik.
Inulerisut, peqqissaasut, nakorsat, ilinniartitsisut, ikiortit, meeqqerisut meeraaqqerisut, politiit angajoqqaarsiaasartullu inuinnaallu allat amerlasoorparparpassuit ullut tamakkiallugit suliaqartuusut, meeqqat inuusut, angerlarsimaffeqanngitsut ilaqutariillu meerartallit isumagineqarluarnissaat siunissaqarnissaallu qulakkeerumallugit ilungersuuteqartuartut.
Siulitta aqqutissiuuppaatigut, nunarujussuarmi, illoqarfippassualimmi, nunami atortulersugaanermigut oqimaatsumik inissisimasuni – ataatsimoorpugut.
Massakkorpiaq nutaarsiassaqarnikkut pissutsit ima isikkoqaraluartut, kalaallit – kalaallillu nunaanni inuuttanngortut nutaat – maanga noorlaat, siunissaq pitsaanerusussaq sorsuutigivaat ataatsimoorlutik. Aap, inutttut ajornartorsiuteqarpugut, maannakkullu inuiattut makiteqqilluta nukittuninngorluta ajornartorsiutigut saappagut. Massakkut tamat oqartussaanerata tungaatigut aqukkuminarnerusumik piviusorsiorpalaarnerusumillu ingerlaleqqavugut. Aap, katalogi inernilersutissanik immigassarput aallartipparput. Ingerlarsuliivippugut!
Piffissamimita uani,nunap inui nikuillutik qasseriarlutik torlulaaruteqarpat, tusaaneqartaratik.Politikerilluunniit ataatsimiitarfimmiittut ilanngullutik tusaasaqanngillat.
Nunap inui ullaakkut makillutik, suliartortarput, ullut tamaasa, qujamik tusannguassanatik, nuanniitsunik aammaloorlugu nutaarsitinneqaannartarput. Nersualaarinninnermiissinnaavoq aamma piumassuseqalertarneq – unammilligassat puigunngikkaluarlugit.
QUJANAQ nunap karsianut akileraaqataanissinnut! Ullut tamakkiallugit. Allaffissortuunngilasi, nukersortuullusili suliaqartuuvusi, assaarsisarlusilu peqingasarlusilu tamatsinnut nerisassallertuuvusi. Asasakka inulerisut, ingammik najukkatik qimannagit sulisut; QUJANAQ inuiaqatigiinnut taperseeqataanissinnut.
Asasakka atorfilittat; QUJANAQ Kalaallit-Nunaat pillugu ataatsimiittarfimmi anguniagalersuutitsinnik ataqatigiissaarinissinnut.
Asasakka ilinniartut; QUJANAQ avatangiisut, uumasut assigiinngissitaarnerat, suna tamaat akimorlugu namminiilivinnissamik eqqarsaasersuutit kiisalu immimortarnerup oqaluuserinissaanut pisariaqartitsinissinnik suaartaateqarlusi eqeersaanissinnut, illoqarfiit nunaqarfiillu akimorlugit qujanaq aamma nunasiaataajunnaarnissaq pillugu ilisimasassatsinnik tulluusimaartuunissamullu pisinnaatitaanissamut aamma paasissutissatigut, tunioraallusittaaq.
Allatigut inuussutissarsiornikkut ataqatigiisitsisunut, suaartaateqartartunullu atuarfeqarneq, inatsisit, nukissiuutinik ataavartunik qorsunnik taasartakkanik bilinik innaallagissamik ingerlatilinnik atuisunngornissatsinnik, kiisalu aamma namminersorluni suliffiuteqarnissamik pisariaqartitsinitsinnik QUJANAQ suaartaateqartarassi.
Pilersuinikkut suleqataasunut amma qujanaq. Nerinissarput, imernissarput, sulinissarput, attaveqaatiniissinnaanerput, atisassarsisinnaanerput naatsumik oqaatigalugu inuusinnaanerput isumagigassiuk qujanarsuaq.
Annerpaartaatigut ingerlalluaqaagut. Piunngitsorsuartigut avissaartuuffigut taliteriffigisariaqarpagut, tamattaalluta ataatsimut nukittorsaqatigiinniassagatta.
Puigussanngilagut, sapiitsortagut akunnitsinniittut, imminnut kiviinnaratik, ilaquttaminnik allaallu allaat inoqatitik, imminnut kivinnissaminnut nukissaqanngitsut ,apeqqusiinngilluinnarlutik pisussaaffimmissut isigalugit ilanngullugit kivittarlugit.
Nersugassaavusi. Ilisseqanngippat nakkaattooraluarpugut. Avataaniittunut: Qujanartumik sapiitsut, qasusuitsut, ilinniagaqarsimasut, sullerissut inuppalaartullu kialaartut imminnut ataqatigiittut, amerlanerussuteqarput. Anersaaq taanna qaamanermuinnaq anillagutsitsigu aammattaaq nutaarsiassatigoorunniartigu.
Imaappugut.