Qineqqusaarnerup nalaani amerlasuunik aperineqarpunga, sooq Inatsisartunut qineqqusaarnersunga. Qineqqusaarninnut peqqutalluartut arlaqarput. Siullertut Kalaallit-Nunaat nunagaara – maani najugaqarpunga maanilu ilinniagaqarlunga. Nunaavoq kusanangaartoq, pisussuterpassualik, silatusaartumik eqqarsarluarlunilu pigaanni atorluarneqarsinnaasut, saninnguatigut nunaavoq imminut arlaatigut avissaaqqasoq. Nunaavoq, inulik assigiinngissitaartorujussuarnik atugalinnik, annernaannartumik sanngiitsortaaminik sumiginnaanermigut atugarliortitsisoq. Alianartortaraa, aqutsiveqarfinnik ukiuni 40´ni kingullerni kalaallinit nammineerlutik , aqutsisuupput. Politikkikkut akisusaasuusut tamatuminnga nassueruteqannguaratik, pissutsit allannguerusutsaatigisinnaagaluarlugit, suliassartaanullu saassinnaagaluarnerminnut taarsiullugu partini siuttuni pissaanillit iikasik ajornartorsiutivinnik miserratiginnipput.
GME´p Kuannersuarni suliniutaat allamut sanngutigiinnarpaat, Kalaallit-Nunaata ajornartorsiuterpassuinut qitinnguutsillugu. Suliniut avatangiisinut mingiutsitsinikkut navianartorsiortitsisinnaasoq, Nunap Inuussutissarsiornikkut isertitaqaatiginerpaasaanut ulorianartorsiortitsisinnaasoq, aalisarnermut. Ilumoortumik GME´p Kuannersuarni suliniutaat akuersaaginnassavarput, sapusiarsuup tunuaniittumi tasersuarmik, avatangiisinut sunniutaasinnaasunik, toqqorsiveqalersaartoq? Kina tamakkununnga aaliangersakkanut akisussaasoorusuppa, piiaaffik imaarpat? Tassaqaluunniit sillimasiisarfiit peqataaffigerusuppaat, taama toqqorsiviginiagaat nalorninartorsiornartigisoq, avatangiisunut mingutsitsineq ukiuni 1000´ni nungunniaasaaqqaartussaq!
Piviusumi unaannginnerpa, aammaloorlugu uagutsinnut kinguaariinnut akiligassiisoqarluni, uagut taliterisussanngorluta aningaasaqarnikkullu, Inuussutissarsiornikkut aqutsinerliorneq peqqutaalluni massakkorpiarlu aningaasanik naamasaqaannarluni, siunissami isertitaqaatissatsinnik illersuinissaagaluaq pilliutigalugu?
Kalaallit-Nunaannik ineriartortitsinissatsinnut periarfissarissaaraluaqaagut, inuiaqatigiit torrattunngortissinnaagaluarpagut, killeqarfiit suliffeqarfiit akimorlugit ataatsimut anguniagalerluta ataatsimoorluta suleqatigiissinnaasuugutt, akikitsunik inernipalaalersuinata minnerutsumillu piviusuunngitsumik, inuit suminngaanneernerlu, apeqqutaatillu isikkulersuilluta, avissaartuuttumik.
Anguniakkagut angussagutsigit, inuiattut katerinnerusariaqarpugut, Kalaallit-Nunaanni nunaqarusulluta toqqaasimanerput, taannaavorlu ataatsimoorussarput.Kikkulluunniit Kalaallit-Nunaanni najugaqarlutillu sulisut, torersumik pineqassapput, ataqqineqarlutik inuiaqatigiinnut tamallu oqartussaanerannut akulerutsinneqarlutik. Kikkut tamaasa inissaqartittussaavagut.
Uagut kinguaariit tassannga paasinnereernikuusugut – sooruna taama ilisimasaqarnerusussaagaluit paasiniapiloortigigaat, takusinnaannginnerpaat, nunamut ataatsimut asanninneqarnerput akuersaarlugu, allamik pinnata ataatsimoorluta ataasiinnavimmik tamatta kissaateqartugut, nunarput tulluusimaarutigisinnaanngorlugu ineriartortikkusukkipput!
Taassumaana misigissutsip, uannut minnerutillunga, angusassaq annertunerusoq angullugu sullisserusussutsima piumasuseqalersillunga, politikkimut pulatikkaanga.
Ikinngutinnut asanninnerma, kamaap takkuttartup, nunatsinni atugarliuuteqarnerpaat sumiginnarneqartarnerisa eqqunngitsumik pineqartarnerisa, maligassiorpaannga politikkimut isernissannut.
Upperigukku, pilersissinnaallutigu Kalaallit-Nunaat tamanut inissalik, atugarliuuteqarnerpaanik isumaginnittoq Nunannguattalu pinneqisup pisuussutaanik eqqarsarluarluta atugarissaartitsilersinnaanissarput, taava qinersilerutta Suleqatigiissitsisumik taasiit. Qulakkeerinnikkumaarpugut, kinaluunniit Inatsisartuni tusaaneqartarumaartoq, partiillu allat qineqqusaaramik neriorsuuterpassuinik piviusunngortitsinissaannik eqqaasittarumaarpagut.
Qineqqusaarutit inuussutigisinnaanngilagut, aamma atugarissaannginnerusut pilliutaaqqittariaqanngillat, politikkikkut anguniakkamut, massakkorpiaq piviusunngorsinnaanngitsumut, tassalu Namminiilivinnissamut anguniagaq.
Suleqatigiissitsisut sinnerlugit qineqqusaartumik taasiit– Sofus Fenger Hove qineruk!