Pisariaqartipparput, piffinni inunnik isumaginnittut najugaqavissut pikkorissartinnissaannut, nakkutigalugillu ilitsersornissaannut, kommuninilu qarasaasiaqarnikkut – nalunaarsuiniarnikkullu atortorissaarnerulernissaannut. Saqqummiuligassarsuupput sulisut, oqaannaraanni suliffeqarfinni tamaginni.
Sapiitsuliortutut tikkuarneqartariaqarput, inunnik isumaginnittut allat nammaqataasut tamaasa ilanngullugit.
Inulerinerup, peqqinnissaqarfiup ilinniartitsinerullu iluini.
Inoqarpoq qasusuillutik sullissisunik, meeqqanik isiginerullutik systemitsinni katatanik. Qasseriarlutimmita misigititaappat, avataaniik sullissiartorlutik tikittunik, tassanngaanniillu politikkikkut allannguisoqarpat suna tamarmi aallaqqaataaneertussanngortarluni. PINGAARUTILERUJUSSUUVOQ Kalaallit-Nunaanni ilisimasalittut sapanginnaveersaarnissaat. Najugaqalivilersinnaanissaat isumagalugu. Peqqarniiserfigineqarsinnaanerannut sioorasaarneqarsinnaanerannullu illersuusersuinnarnagit aammattaaq isumaasa sulliviisalu tungaatigut pakkersimaarlugit.
Illoqarfiit nunaqarfiillu tamakkerlugit angusinnaasariaqarpagut, sakkussaannik tuniorarlugit, meeqqanik sullissinerminni, naammattunik sakkussaqartillugit, najukkaminni pissutsinut tulluarsarsinnaasaannik, qulaaniik ammut oqaluunnagit, naligiimmik attaveqatigalugit.
Inunnik sullissisut, meeqqat sumiginnakkat nunaqqatigiillu pisariaqartinngisarivaat avataanik ”annaassinianik” tikinneqartarnertik. Sakkussanik-una tuniorarneqarnissarput pisariaqartittaripput, immitsinnut annaassinnaanngornissatsinnut. Meeqqat-uku kaatsinneqartut, unatartittartut, pinngitsaalisaasartut illersornissaat pisariaqartikkipput. Ukua sapiitsuliortartut tassaavoq ullut tamakkiallugit suliaat. Ukiut tamaasa. Allaammi ukiuni qulikkaani.
Qujanaq.
Inuttut isumaginninnerup-una tungaatigut meeqqanik sullissinikkut iluarsaasseqqittussaasugut iterngati tikillugu ingerlasumik, amigaatitigut putorpassuit milissorlugit.
Meeqqat ikiorserneqartariaqarput! Massakkut!
Taakkuinnaanngitsut aammattaaq piffinni ullut tamakkiallugit sapiitsuliorlutik sullissisartut ikiorserneqartariaqarput. Ilissiuvoq siunissatta qiteralii.