Soorunami tamanna nuannaarutigeqaarput, maniguuffigalugulu, aammalumi qineqqusaarfiup sinnerani takuteqqittuassavarput, uummatitsigut niaqqutsigullu eqqarsarluarluta nunannguarput aammaloorluta sullinnissaanut, piareersimalluta. Isumasiuinermi kingullermi taamannaqqissaaq inerneqarpoq, taamaallaalli ilaasortaatitassaraluamut tullermut taasinernik 50´nik amigartuulaaginnarluta.
Paasisinnaalluarparput allanngorfissamut killeqqasusi. Isumasiuinerup takutimmagu, qinersisartut pingajoraarterutaat suli nalornillutik aaliangersinnaasimanngitsut.
Tamanna paasisinnaalluaqaarput, politikerit iliuuseqarniarnatillu asuli qaputtut qaputtut tusaasarneri sungiutiinnartoorsimagaanni.
Kisianni tunniutiinnarlutit taasiartunngikkuit – allanngornialersaarnallu – aamma qinerseqqittoqalerpat – suli nalornillutit nikeriaqqissimassanngilatit.
Uagut qinerniartigut, sullilluarumaarpatsigit, meeqqanulluunniit nammineerlutik taasisinnaanngitsunut tutsillugu atorluarumaarparput. Pisariaqartippaat.
Suleqatigiissitsisumeersumik taasinerup assigiinnarpaa allannguerusussuseqarneq.