Suleqatigiinneq tamanut nukittunerulersitsisarpoq
Toqqissisimaneq, Qanilaarneq Tatiginninnerlu
- Kalaallit Nunaat ataasiusoq tamanut – ataatsimoorluta nukittuneruvugut!
- Namminiilivinnissaq
- Meeqqat inuusuttuaqqallu ikiorneqartariaqartut aamma kinugassiutitigut kanngutsaatsuliorfigitinnerit
- Meeqqat inuusuttullu sumiginnakkat – MASSAKKUT iliuuseqarfigitigit!
- Atornerlugaanerup sumiginnagaanerullu kingorna kingunerlutsitsisimasut
- Meeqqat atuarfiat nunarsuarmi pitsaanerpaaq
- Sulisut tikisitat pisariaqartipagut – nunasissut akulerunnissaanut suliaqarta
- Kalaallit Nunaat nunatut mingutsitsiffiunngitsutut siuttuusoq
- Tigooqqaanerput unitsilluinnarluni unitsilli
- Atortussiat aatsitassallu
- Aalisarneq
- Taamaattumik Suleqatigiissitsisut ukuninnga qineqqusaaruteqarpoq:
Ukiuni untritilikkuutaani inuiaat kalaaliusugut nunarsuatsinni atugassarititaasut pikkunarnerpaat aqqusaarlugit inuusimavugut. Siuaasagut – kalaaliuppata, danskiuppata imaluunniit qanga nunasinerit, kikkuugaluarpata tulluusimaarpugut taakkunannga kingoqqisuugatta.
Piniartuusimavugut. Inuuniarneq pillugu unammisarsimalluta. Siuaasavullu pisinnaasatik tamaasa atorlugit inuusimapput. Ullumikkut alloriaqqiffissami inissisimavugut. Qanga pisimasut unammiuassavagut, imaluunniit tamatuma saniatigut aamma qimmit ingerlatsisussat anulersuleriissavagut siunissami pisussat takorluujutigalugit? Uagut toqqagassaq kingulleq aalajagiupparput.
Pingaaruteqarpoq pisimasut oqaasinnguiviginissaat, maanna inuunermi immitsinnut paasinnittaaseqarfigilluassagutta, aammali ukiut pingasut – sisamaannaanngitsoq tullinnguuttut piinnarnagit anguniagaqartalertariaqarpugut, siunissaq inuiaqatigiinnut pittaanerusoq kissaatigisarput piviusunngortikkusukkutsigu: Inuiaqatigiit nukittuut, ataatsimoortut, isumaginnnneq pitsaasoq, ilinniartitaanerit pitsaasut, aqquserngillu toqqissisimaffiusut.
Naalagaaffeqatigiinnermi inissisimanerput, ingammik Qallunaat Nunaannut attaveqarnerput ukiorpassuarni nassuiaatissatut toqqartagatuaasimavoq politikeriniik anguniakkaminnik piviusunngortitsinngittoornikuniik qineqqusaartoqaleraagat. Tamanna maanna atorunnaassaaq!
Nammineerlutamiuna oqartussaaffiit angerlaassimasavut arlallit akisussaaffigilernikuugivut, akisussaaffiillu taakku ingerlalluarneqarnissaat pisussaaffigaarput kalaallinut tamanut iluaqusiisussanngortillugit oqartussaaffiit allat angerlaassornissaanut suli pilersaarusiulinnginnermi. Tamanna peqqutigalugu Suleqatigiissitsisut Naalagaaffeqatigiinneq ineriartorfiulluarsinnaalluartutut isigaat. Ajortortaqarpat, ajunngittortaqarpat, tassa Qallunaat Nunaat, Savalimiut aammalu Kalaallit Nunarput ataqatigiipput, oqaluttuarisaanikkut, ilaqutariittut, ikinngutigiittut aammalu suleqatigiittut. Nunatsinnut inerisaavinngortissinnaasariaqarparput, nunatut inuttullu ataasiakkaatut nukittorsarfigisinnaasarput.
Ataatsimoorluta Kalaallit Nunaat angerlarsimaffiulluartunngortissinnaavarput tamanut maani najugaqartunut.
Angerlarsimaffik toqqissisimanartuussaaq. Tamanut naammattunik kiassarneqarnissaq nerisassallu piussapput, immitsinnullu ikioqatigiillutalu tapersersortariaqarpugut – pisut ajunngittumik ingerlagaagata, aammalu ilaquttagut ikiortariaqaleraagata. Angerlarsimaffik ajoquteqanngittumik ingerlasoq, najukkami najugaqartunut tamanut nukittuunngortitsisoq, nuannaarnerulersitsisoq, pisuunngortitsinerusorlu.
Maani eqqarsaatit pingaartitallu Suleqatigiissitsisut toqqammavigisaat atuarsinnaavatit. Aamma atuarsinnaavatit siunnersuutit tigussaasut maanna qanutut – maannakkoqqissaaq! – inernilinnik allannguisinnaasut. Inuit ataasiakkaat kiffaanngissusaat pingaartitaraarput, upperaarpullu namminersorluni suliffeqarfiit pigineqartut amerlanerit pilersinneqartartut amerlanerulerpata suli pitsaanerusumik ingerlatsisoqalersinnaasoq. Inuiaqatigiilli atungassarititaat pilliutaanngisaannassapput, innuttaasullu tapersersorneqartariallit tunulliunneqanngisaannassallutik – peqquteqavissortumimmi social liberal-iuvugut. Aningaasaliissutissat nassaarineqassapput, uummateqartumilli aamma sulisariaqarpugut – inullu uagut salliuttuaannarparput.
Oqallinnerit amerlanerusut pisariaqartinngikkaluarpavut. Utoqqatsissutissat aamma atorsinnaajunnaareerpavut. Sulilluta aallartissaagut pilersikkumallutigu Kalaallit Nunaat tamatta pilersikkusullugu sinnattoriuagarput. Ataatsimoorluta!
Suleqatigiinneq tamanut nukittuutaasarpoq!