Kalaallit-Nunaanni politikki pisariaqartivillugu nutaaliorfiginiarutsigu, pissaanillit matu matullugu nuannatsissanngilagut. Ukiuni 40´ni pissaanermik pigisaqareerput, ajornartorsiutitsinnillu unamminartorsiutitsinnillu ullumi piusunik pilersitseqataanikuupput.
Taamaallaat nutarsaateqarsinnaavugut ”partiitoqqat” saniatigut allanik qinigassaqalertitsinitsigut, taamaaliornissarlu nukinginartutut inissisimavoq. Nuannissagaluarpoq Demokratit siulittaasuata Inatsisartunut qinigaanissani qulakkeerniarniartuuppagu tamat oqartussaanerannik aqqutissiuussinermigut. Siammasissumik isumaqatiginninniartarnerit pisariaqartippagut, torersumik suleqatigiittarnerit, qinersisartut ujartortagaannut tamakkua ilaapput. Tamakku anguneqarsinnaanngillat tamat oqartussaaneranik annikillisaanikkut – ilaasortanilluunniit ikilisaanikkut, suleqatigiissitanulluunniit partiinik allanik ilaluarnikkut imaluunniit partiinik ikinnerussutilinnik oqartussaajaanikkut attaviitsutulluunniit qinigassanngortittunik ataasiakkaanik mattussiniaanikkut.
Tassunga atatillugu eqqarsaataalluarsinnaavoq, Naalakkersuisuni atorfeqassagaanni pinngitsoorani Inatsisartuni ilaasortaasariaqarnissamik piumasaqaateqartalernissaq.
Taanna aqqutigalugu, demokratit siulittaasuat tamat oqartussaaneranik tunuliaqutaqanngitsumik oqartussaassutsimik peqalernikuuvoq. Demokratit siuttunngorsimasinnaagaluarput, taamaaliornermikkut ikinnerussuteqalertoqannginnissamik qulakkeerinnittusimasinnaallutik, soorlu taamaalisoqartoq, siulittaasuat Naalakkersuisuni qinigaanermik toqqammaveqanngitsumik ilaasortanngortinneqarmat.
Siunertaliilluartarnissaq oqaluuseriniartigu tamat oqartussaanerat nuannaartoreqqusaarutigaugu sipaarutitut atorniarsarinagu.
Oqallisiginissaanut ilanngullugu oqallisiginiartigu ersarissaavigalugulu, marlunnut assigiinngitsunut qinigaasarneq inerteqqutaalissasoq. Siammasissumik aalaakkaanerujussuarmillu tamat oqartussaassuseqarnissaat pisariaqartinneruarput Demokratit eqqarsaatigilluaqqaanngiivillugu siunnersuusiaanniik.
Naggataatigut taarusupparput, paasineqarnissaa pisariaqarmat, kalaallit politikkerii annertunerujussuarmik aallussaqartartuummata, qallunaanut Folketingimi ilaasortanut naleqqiullutik, naak ilaasortatigut ikinnerujussuugaluarlutik. Taamaammat allamik peqqutissaqanngilaq, pissaaneqarniuunneq, pissaanillit matoqqanerulernissaat inuinnaat angutit arnallu suli naqinneqarnerullutik. Taamaattumik siunnersuutigaarput, inatsisartuni ilaasortat tamakkerlutik pikkorissartinneqassasut mikro-makro-økonomimi tassa inuit ataasiakkaat niuertarfiillu aningaasaqarneriniik nunat naalakkersuinikkullu aningaasaqarneq pikkorissarfigalugu qinersisoqareerpallu aamma allanik ilallugit. Taamaaliornitsigut inuttaasunik toqqissisimatitsinerulerlutalu tatiginninnerulernermik pilersitsisinnaavugut.