Aatsiaarsarsiorniarnerup; GME-p aatsitassarsiornerata Kuannarsuit, annersaata akerleriiffiusullu sukkasuumik ingerlanniarneqarpasissup toqqaannartumik kinguneranik Kalaallit Nunaanni innuttaasunut avissaartuutsilernera Suleqatigiissitsisut ernumassutigigaluttuinnarpaat. VVM pillugu nassuiaat aatsitassarsiorniarnermut suliarineqarnikuusoq eqqarsarnartoqartoq assigiinngitsunit oqaatigineqartarpoq, ilaatigut nassuiaatip suliffeqarfimmit siunnersuisartumit sumulluunniit attuumassuteqanngitsumi immikkoortumi immikkut ilisimasalimmit suliarineqarani GME-mit namminermit suliarineqarnera pissutigalugu.
Suleqatigiissitsisut isumaqarput Kalaallit Nunaanni atsitassarsiornermut periutsimik eqqortumik nassaarnikuunngitsugut. Periutsimi assigiiaamik aningaasaqarnermik isummeriaaseqarneq maannakut tunngavigineqarpoq, tassani Kalaallit Nunaata aatsitasanik piiarneqartunik Kalaallillu Nunaata avataanut suliareqqitassanngorlugu nassiunneqartartunik piginnittuuneq tuninikuullugu. Kalaallit Nunaat aatsitassanik avammut nassiunneqartunik royaltienik pissarsisarpoq, taakkulu tunisassiamut naleqarnerulersinneqartumut sanilliullugu annikinneroqalutik ataasiarluni akilerneqartarput. Aatsitassarsiorfimmi aatsitassat nunguppata Kalaallit Nunaanni nunami imaqanngitsunik putoqassaaq, kaasarfiit imaarutissapput ajornarpaaffianilu najukkami aatsitassarsiorfiusumi innuttaasut avatangiisiinut ajortunik sunniuteqassalluni. Ajornerpaasorlu tassaavoq aatsitassarsiornerup inuiaqatigiinnit pissarsissutigineqarnissaa najukkamiluunniit innuttaasunut toqqaannartumik pissarsiaqaataanissaa qulakkeerneqarsinnaannginnera.
Suleqatigiissitsisut Kalaallit Nunaanni suliffissuaqarnermi ineriartortitsinissamut akerliunngillat, soorunalumi silaannaap allanngoriartornerata kinguneranik periarfissarpassuit pitsaasut nunatta aamma iluanaarutigisariaqarpai. Kisiannili najukkani innuttaasut aalajangerneqartunut inaarutaasumik sunniuteqartillugit tamanna pissaaq, taakkumi aatsitassarsiornerup toqqaannartumik sunniutai atugarisussaavaat.
Suleqatigiissitsisut tamanna tunngavigalugu isumaqarput aatsitassarsiornermik kukkusumik isiginninniarnissamik kukkusumik toqqaanikuusugut. Kuannersuarni Suliniut pissutsit ersarissut arlalissuit pissutigalugit akerleriissutaavoq soorlu suliniummik taamatut annertutigisumik assigiinngiiaartorpassuarnillu kinguneqartussamik nutaamik Kalaallit Nunaata aallartitsiniarnera ersarissumik nassuiaatissaqanngilaq, najukkami innuttaasunut avatangiisinut inuussutissarsiornermilu kingunissaanik arlalinnik suli paasinarsisitsisoqarnikuunngilaq.
Suleqatigiissitsisut taamaammat isumaqarput suliniutip Tanbreezep aallartinneqarnissaanut nukigut ataatsimoortittariaqarigut, tassani Suliniummut Kuannersuarnut angisuumut sanilliullugu sumiiffik arlalissuartigut pilerinarneruvoq pisunillu takunniffiusinnaanerulluni.
Suliniummi Tabreezenu suleriaqqinnermi aatsitassanik aqutsinitsinni aningaasaqarnermi tunngavinnik Kaavaiiartumik Aningaasaqarnermik ilisimaneqartumik tunngaveqartumik piumasaqaateqarluni aatsitassarsiornissamik akuersisoqartariaqarpoq.
Tamassuma kingunerissavaa Kalaallit Nunaata aatsitassanik qaqutigoortunik piiarneqartunik suliareqqinneqartunillu piginnittuuinnarnissaa. Aatsitassat qaqutigoortut aatsitassarsiorfimmit tuniniarneqassanngillat, kisiannili atuisunut suliffearfinnulluunniit aatsitassanik suliareqqiisunut attartortinneqassallutik. Atuisup siulliup aatsitassat qaqutigoortut atuinera naammassippat aatsitassat piaaqqinneqassapput aammalu atuisunut pisisartunulluunniit attartorteqqinneqassallutik. Taamaaliornikkut Kalaallit Nunaat piffissami aatsitassanik atuiffiusumi tamarmi aatsitassanit isertitat pigiinnassavai.
Aatsitassarsiornermi kaaviiaartumik periuseq suliniutip Tanbreezep paasiuminarnerungaarnera tunngavigalugu Kalaallit Nunaata ineriartortilluarsinnaavaa. Aningaasaqarnermi kaaviiaartumik periuseqarnermi misilittakkat aatsitassarsiornermi tamarmi ataatsimut isigalugu misilittakkat ilanngullugit Suliniummut Kuannersuarmut isummeriaaseqarnermut nutaamut tunngaviliisinnaaput, tassani Kalaallit Nunaata aningaasaqarnermi pissarsiaani assigiiaartumik aningaasaqarnermik maannakkut isummeriaaseq aatsitassarsiorfimmi aatsitassat nunguppata Kalaallit Nunaata annaasarfigisassaanik Kalaallit Nunaat atuisinnani. Kaaviiaartumik aatsitassarsiornermik periutsimik Kalaallit Nunaata atugaqarneratigut kinguaariinnut aggersunut iluaqutaasussamik aningaasaqarnermi ineriartortitsinitsinni tunngaviliisoqarsinnaavoq.
Nunarput kusanartoq innuttaasullu paarissavagut peqatigitillugulu periarfissaalersunut nutaanut ammasuulluta.
Suleqatigiissitsisut Kuannersuarni Aatsitassarsiorniarnermik Suliniutip pipallataasumik ingerlanneeqarnissaanut akerliupput.
Suleqatigiissitsisuni kaaviaartumik aningaasaqarnermik periuseq tunngavigalugu suliniutip Tanbreezep piviusunngortinnissaanik suliniuteqartussamik sinniisoqalissaatit, tassani aatsitassat qaqutigoortut Kalaallit Nunaanni piginnarneqassallutik, sinissamilu atuisussanut attartortinneqassallutik, Kalaallit Nunaat taamaalilluni aatsitassarsiorfiup aatsitassarsiornera qaangerlugu isertitaqaannassalluni.
Suleqatigiissitsisuni najukkani innuttaasut toqqaannartumik kalluarneqartut tamakkiisumik peqataatillugit aatsisarsiorniarnerit pillugit aalajangiisarnissamik tassungalu ilanngullugu kaaviiaartumik aningaasaqanermi periarfissanik atuilernissamik suliniuteqartussamik sinniisoqalissaatit. Tamanna aamma Suliniummi Tanbreezemi misilittakkat tunngavigineqarpata kaaviiaartumik aningaasaqarneq tunngavigalugu Suliniutip Kuannersuit – najukkami najugaqartut akuersitillugit – kingusinnerusukkut aallartinneqarnissaanut atuuppoq