Innuttaasut napparsimasorujussuit Danmarkimilu katsorsartittut pillugit suleriaatsit aaqqittariaqarpagut.
Meeqqa kræftimik sivisuumik napparsimasut angajoqqaavi assersuutigalugu Kalaallit Nunaanni
angerlarsiffeqarunnaartarput Danmarkimullu nuullutik. Nunatsinni ikiorneqannginnertik pissutigalugu.
Napparsimaneranni ikiortariaqarpagut, aningaasarsiassaannik taarsiiffigalugit, nappaateqarneranni
ineqarnermut tapersiiffigisinnaanngortillugit aamma sulinermut atassuteqarpat siumut utimullu
ingerlanissaannut.
Ilaqutariit ilaat meeqqap napparsimasorujussuup qatanngutaaniissanerlutik meerarluunniit napparsimasoq
najussanerlugu aalajangerniarsariaqartarput.
Meeqqamik napparsimasup Danmarkimi katsorsarneqarnerani ajornartorsiornerujussuarminni
tapersersorneqarnissamik ikiorneqarnissamillu atorfissaqartitsipput.
Ullumikkornit tapersersorneqarnerujussuusariaqarput.
Kræfteqalernissamik allamilluunniit tassanngaannaq napparsimaleriataarnissamik qinnuiviginninneq ajorpt,
innuttaaqatigullu napparsimalesut tamatiguortumik ikiornissaannut suli periuseqannginnerput 100%-imik
paasimiunaappoq.
Kræftimik sivisuumik napparsimasunut aappaasut katsorsaasoqarnerani napparsimasut inigisaannit siumut
nalunaarfigineqaqqaaratik anisinneqartarput.
Napparsimasut angerlarsimaffiat mikivallarpoq, inissat amerlinissaannik pisariaqartitsivugut,
arlaannaalluunniit anisitaaniassanngimmat. Pioreersunik naleqquttunik napparsimasunillu qularnaatsumik
angallassinissap qulakkeernissaanut pisisinnaasariaqarpugut.
Danmarkimi napparsimavissuit tamatigoortumik angallassisarnissaq qulakkeersinnaavaat,
innuttaasutsinnut napparsimasunut angalanissamik ajornartorsiuteqartunut iluaqutaasumik aaqqiinernut
taamaattunut akiliisa.
Facebookimi ilanngussat nunarsuaq tamaat ingerlaartut tamatta takusarsimassagunarpagut, ilaatigut
ungasinngitsikkut nuliaasoq ajornartoorluni tamaviarluni ikiorneqarnissamik qinnuiviginnilluni allattoq.
Uia kræfteqrluni uninngavoq, katsorsarneqarnerullu kingorna, sulia naammassinngitsutut paasineqartup,
napparsimasut angerlarsimaffiata napparsimaveqarfiullu attaveqarnerat ajutoorpoq.
Maannakkut marluullutik Danmarkimi inissaaruteqqapput.
Nangitseqqiilluni katsorsarneqaqqittussaavoq, uninngatinneqaqqissinnaananili.
Unitsinneqarnissap tulliata tungaanut Danmarkimi inissaqanngillat.
Inoqatigut, innuttaaqatigut, taamatut pisinnaanngilluinnarpagut.
Pitsaanerusumik periuseqarnissamik innuttaaqatigillu napparsimasut tapersersornissaannut pinartumik
pisariaqartitsivugut.
Pingaartumik Danmarkimi katsorsartinneqartussat suliaqarfiillu akornanni ajornartorsiortinneqalersunut.