Aalisarneq pillugu Ataatsimiititaliarsuarmut iluaqutaasumik meeqqanik inuusuttunillu sullissinermi sipaarniarnissatut nalunaarutigineqartumi aningaasat assersuutigalugu IT-mi suliniummi Ilanngaassivimmit suliniutitigullu allatigut kinguartinneqarsinnaasutigut aaneqarsinnaapput.
Aalisarneq pillugu Ataatsimiititaliarsuaq pingaaruteqartumik suliaqarpoq, taannalu eqqissillutik naammassisinnaasariaqarpaat.
Suliartilli naammassisinnaajumallugu ukioq manna aningaasanik amerlanerusunik atorfissaqartitsipput, aammalu meeqqat inuusuttullu atorfissaqartinneqarnertik akigissanngilaat.
Aalisarneq pillugu Ataatsimiititaliarsuup atorunnaarsinniarneqarneratut isikkoqarsinnaavoq, partiit naalakkersuisoqatigiit qinigaaffimmi uani aalisarneq pillugu inatsisaasinnaasoq nutaaq assortuussutiginissannginnamikkut, tamannali meeqqanut naviartumiittunut ajorteriaannarnullu ajornartorsiutinngortinneqassanngilaq.
Taamatut kingullinngortitsinngisaannassaagut kingullinngortitsisariaqaratalu.
Maannakkut pingajussaanik sisamassaanilluunniit takuarput Naalakkersuisuit meeqqat ukiorigaat tamatigulluunniit ukiut qulikkaat meeqqat ukiorigaat suaaruteqarnikuugaluarlutik meeqqat inuusuttullu sipaarniarfiginiarsarigaat.
Tamanna kanngunartuliorneruvoq, takuneqarluarsinnaavoq isumakkeerfigineqarsinnaanngilluinnarluniu.
Meeqqat inuusuttullu sipaariarfiginiarunnaarsigit!
Peqatigitillugu Naalagaaffeqatigiinnermi peqataasamit ataatsimit, tassa Danmarkimit, meerartatsinnut inuusuttortatsinnullu annertunerusunik aningaasaliisoqarpoq, taamaakkaluartorli uagut nammineq taakku sipaarniarfigaagut.
Ilumut oqarluni, Naalakkersuisut innuttaasunik ataatsimoorlutalu siunissatsinnik sukkulluunniit suliniuteqannginnerat ersarippoq, kisiannili namminneq suliatik pissaaneqarniuunnertillu paatsiveerussutigalugit.
Tamanna naammalerpoq.
Akuerineqarsinnaanngilaq.