Sermitsiami ulloq 27.7.20 atuaqqipparput Namminersorlutik Oqartussat atuivallaarneq ilaatigut Tasiilami meeqqat inuusuttullu naviartumiittut – aammaarlutik – kingulliutinnerisigut aningaasalersoraat.
Tamassuma – aammaarluni – naqissuserpaa maannakkut naalakkersuisoqatigiit aningaasat pitsaasumik pingaarnersiuillutik aqussinnaanngikkaat aammalu Kalaallit Nunaanni meeqqat inuusuttullu politikkikkut pitsaanerusumik aalajangiisinnaassunik politikereqartariaqartut.
Pisoq mamianarluinnarpoq, Suleqatigiissutsisuniillu taamaatut pingaarnersiueriaaseq akuerinngilluinnarparput, tamassumalu aammaarluni takuteqqippaa, naalakkersuisut – imminnut pingaarnersiuinerminnik takunnissinnaannginnertik pissutigalugu – pingaarnersiueriaatsimikkut inuttut atukkatigut ajornartorsiortitsilerujussuarnertik takusinnaanngikkaat.
Aamma politikerit siuttut meeqqat inuusuttullu atugarliorlutik inuusut soqutiginngilluinnarpaat.
Suleqatigiissutsisuniit taarsiullugu kissaatigaarput pingaarnersiueriaaseq imatut allanngortinneqassasoq mittarfiliornernut tunngaviusumillu inatsit pillugu ataatsimiititaliarsuarmut aningaasartuutit inuttut atukkatigut ajornartorsiuterujussuit atuukkunnaarsinnissaata tungaanut nalimmassassagaat.
Qarmasissianut asfaltimullu aningaasaliinerit annertoqataannik meeqqanut inuusuttunullu aningaasaliisoqaraluarpat inuiaqatigiinni qaffatitsisorujussuarnik aningaaliisoqarsinnaassaaq.
Meeqqat inuusuttullu aningaasaliiffigisariaqarpagut.
/Jesper Enevoldsen, SAM Kujalleq.
Sermitsiaq: Meeqqat sumiginnakkat ikiorsiissutissallu atuinerunermut akiliuteqassasut