Innuttaasut Naalakkersuisoqatigiiit aningaasanik atuiallaarnerat silatusaarnanilu takulluarsaatinik suliniuteqarnerit annaaniarlugit innuttaasut siullermik ”avatangiisinik illersuinissamut” aamma ”peqqissutsimik siuarnissamut” siullermik biilinut innaallagiatotunut, tupanut nioqqutissanullu sukooqanngitsut akitsuutinik akiliisunngornikuupput.
Meeqqat inuusuttullu, naviartumiittut, atornerluisut, angerlarsimaffeqanngitsut, inuit inissiani ajortuni najugallit aamma atuarfiit ilinniartitsinerlu kiisalu napparsimasut inunnillu napparsimasunik tassanngaannaq angallassisarnerit atornerluineq akilissavaat!
Oqassalluni unigitsi piffissanngorpoq. Univinniaritsi.
Aningaasaqarnermut Ataatsimiititaliap isummernissamik kinguartitsinera ajunngilluinnarpoq, ilumorluinnarli ataatsimititaliami ilaasortat – inuttut – sunik nalunngeqatiginnissuteqarnerat killeqartariaqarpoq. Naalakkesrsuit aningaasanik aqutsinerluineq unitsissiuk.
UKIOQ MANNA aningaasanut inatsisip isumaqatigiissutiginiarneqannginnerani tassanngaannaq sipaarniartoqalerpoq.
– Tamanna ”torrallataasorujussuuvoq”, tassami sipaarniutit inissinneqareerpata aappagumut sukatereqqinnissaq ajornannginnerulissaq.
Suleqatigiissitsisunit uppernarsisissavarput sipaarutissat pisariaqarpata akerlinngitsugut, uani suli TAAMAATTOQANNGILAQ, sipaarutissalli atugarissaarnermi pingaaruteqartuni nassaarineqarnatik suliniutinit takulluassaatinit nassaarineqartariaqarput.
Kinguaassiuutitigut atornerluinerit akiornissaannik aamma meeqqat inuusuttullu siunissaat pillugit qineqqusaarnermi qanoq neriorsuutigineqarsinnaappat, taavalu meeqqanutinussuttunullu immikkut suliniuteqarnissaq sipaarniarfigalugu – peqatigitillugulu atornerluinernik katsorsaanerit sipaarniarfigalugit? Nunami tamarmi atuarfiit, ilinniartitsisut atuartullu ingerlaqqeriarsinnaanngillat – ilinniagaqarnerlu siunissarineqarparput, tassanili aamma sipaarniarluta. Susoqartoruna?
Naalakkersuisut peqatigitillugu aamma sanaartornerit sipaarniarfiginiarpaat; isertitassat suliffiit nunarsuarmi Coronap ajonartorsiortitsinerani aningaasat annaasat ilaat iserteqqinnissaat qulakkerniarlugu annertusaaffisassatuarput.
Aningaasaqarnermi isumatusaannginnerinnaanngilaq, aammali eqqortumik iliornerussaaq, ilaatigut Kalaallit Nunaanni tamarmi inuit inissiani aserfallassimasuni, oqoqartuni napparsimalersitsisartunilu najugaqarneratr pissutigaugu.
Naalakkersuisoqatigiit nalunngeqatigiinnissusiat sumiippa?
peqatigitillu takujuminaakkallarpoq Naalakkersuisut ukiut aningaasaqarnermi siuariartorfiunerat suliffissaqanngitsut procentinngorlugit aatsaat taamatut ikitsiginerat tulluusimaarutigissappassuk Nunap Karsiani putoq sooq mtauneqassanersoq. Kisitsit taakku maannakkut qanoq ippat? Inuussutissarsiutinut allanut ”nuuginnartoqarsinnaava”? Siusinnerusukkut nalunaaruteqarnerat upperissagaanni sulisussat naammassagaluarput. Ila qanoruna pisoqartoq, aningaasanuku sumut pisut?
TAAMAAMMAT ukiunut ajortut eqqanaarsartoqarpoq, TAAMAAMMALLU suliniutit mittarfittut, Ilanngaassivittut ittutut il. il. angitigisut tulluartumik nikinganeqarnissaat atorunnaarsitsinissamullu periusissiat qularnaarniarneqarput. TAAMAAMMALLU aningaasat ataatsikkut atorneqanngillat. Taarsigarsarsiat akilerneqassapput, pissutsit qanorluunniit ikkagaluarpata, maannakkullu takuarput tamakku kinguneqapilutsitsisinnaasut.
Naalakkersuisoqatigiit bilitsit akikitsut, meeqqat inuusuttullu atugaat pitsaanerusut, sanaartortut siuariartornissaat, akitsuuteqatit qaffannginnissaat akileraarutillu annertusinnginnissaat neriorsuutigaat.
Qanoq maannakkut qanoq ingerlappat?