Partiit Naalakkersuisoqatigiit suleqatigiinnerarput. Tamannali sallulluinnarneruvoq.
Coronamut tunngasunik tamanik sulinnittussamik partiinit tamanit sinniisuuffeqartumik ataatsimiititaliaqarnissaa Inersuarmi maani arlaleriaqaluta qinnuivinninnikuusarpugut.
Ataatsimiititaliani arfineq marlunnik ilaasortalinni tamanni ataatsimiititaliani ilaasortat ikilisinnissaat nutaaliortoqassasoq partiit Naalakkersuisoqatigiit utoqqatsissutitut maannakkut atorpaat.
Inatsisartut Allatseqarfiat ukioq tamaat sulisareerpoq, taamaammat taamaaliornikkut aningaasanik sipaartoqarnavianngilaq.
Taannaannaanngilarli, Coronap nalaani ataatsimiissutaagallartussaq isumaqatigiissutaasimagaluartoq piviusunngortitaanavianngilaq. Taamaasilluni Inatsisartut paasissutissanik pilertortumik saqqummiunneqartussanik paasitinneqartarnavianngillat.
Akerlianik partiit mikisut taamatut iliuuseqarnermi nipangersinnissaat qulakkeerneqarpoq.
Tamanna qinikkanik allanik tamakkiisumik nipangertitsiniaaneruvoq isornartorsiortunillu nipangertitsiniaanerulluni.
Pissaanermik atornerluineq tamakkiisuuvoq.
Naammaginngitsoqarnernut akisussaasoqarani kusanaatsumik aammaarluni iliuuseqartoqarpoq.
Akelilersorneqaraanni sakkortumik akersuuttoqartariaqarpoq, Suleqatigiissutsisuni taamaaliorpugut.
Innuttaasulli paasinerlunniaqinagit:
Akerliuneq taamatut untsinniaraanni, akerliullusi oqarussi, taava?
Uagut tapersersunngikkaluarutsigulluunniit tamat oqartussaanerat taamaaliornikkut eqqornerlunneqarpoq.
Sooq suut tamarmik isornartorsiuisunut illuatungiliuttunullu isertuunneqassappat?
Pasitsinnartorujussuuvoq. Akuioriuminaallunilu.
Tamanna tamat oqartussaanerattut isikkoqartinniarneqarpoq. Piviusunili amerlanerussuteqartut kisermaassinerattut isikkoqaraluttuinnarpoq.