Atuarfiit meeqqeriviilli ataasinngorpamiit ulluni 14-ini matuneqarallarneri pitsaasuuvoq.
Sukkanerusumik matusinitsigut qularnaannerusunik atugassaqartitsilluni sukkanerumik ammaassaagut.
Nunatsinni Coronamik tuniluunneq killilerniarlugu matusisoqarpoq.
Ilisimavarput Covid-19/Corona nappaataasoq tuniluuttartorujussusq, ilaatigut timikkut attornikkut, silammut ilummullu anersaartornikkut, tangajornikkut virusillu tuniluuttarneratigut allatigut tuniluuttartoq.
Nunarsuarmi misissuinerit tikkuussipput tunuluuttartorujussuaq.
Taamaammat ulluunerani paaqqittarfinni, ilinniarnertuunngorniarfinni, meeqqerivinni inuussutissarsiutinullu ilinniarfinni allanilu taamatut isumaannaallisaaniarluni mianerinnittoqannginnera Suleqatigiissutsisuni paasiuminaatsipparput.
Sulisunut pisariaqartunut ajornartoornermi paarsisarnissaq ajornartorsiuteqartinngilarput.
Aamma isumaqarpugut inuusuttut tarnikkut ajorteriaannaat ilaqutaallu paarineqarnissamik nakkutigineqarnissamillu periarfissaqassasut.
Tassani inuit ikingaatsiartut kommunini politiinit kikkuunerannik paasiniartittariaqarparput aammalu toqqissisimanartunik qularnaatsunillu atugassaqarnissaat qulakkeerlutigu.
Atuarfinni, meeqqerivinni meeraaqqerivinnilu tamani inuppassuit kvadratmeterini ikitsuararsuarni katersuuttarput. Taamaalilluni tunuluuttoqariaannaavoq virusilu siaruaassinnaalluni.
Suleqatigiissitsisut Naalakkersuisunut Inatsisartunilu paartiinik allanik isumaqatigiinniarnissani aamma paaqqinnittarfinni kingulliullugit taaneqartuni mianersornermik tunngaveqarnissaq sorsuutiginiarparput, taamaalillunilu sukkasuumik matusisoqarallassasoq