Nappaalasoqalissasoq Kim Kielsenip nalunngilaa, taamanikkussamullu sakkortunerusunik iliuuseqartoqassaqqaarpoq.
Europami nunat amerlanerujartortut matusut, taakkununnga ilaalluni Danmarki, tikiffigineqarfigisartagarput qaninnerpaaq, nunarsuarmilu peqqinnissaq pillugu suliniaqatigiiffiup WHO-p, sakkortuunik iliuuseqarnissaq utaqqigaa – Kim Kielseni sakkortunerusunik iliuusissat atuutilersitsinnagit Kalaallit Nunaanni nappaalasoqalernissaa utaqqiinnarpaa.
Asasara Kim Kielsen, taamanikkussamut kingusinaarujussuariissaagut. Dronning Ingridip Napparsimavissuani peruluttunut immikkoortortaqarfimmi inissat maannakkut sisamaannaapput Kim Kielsenip utaqqisaatut napparsimanerpaat katsorsarnissaannut Kalaallit Nunaanni anersaartuutit imaasinnaavoq naammanngitsut.
Ilisimasat kingulliit takutippaat, Covid-19 quersortoqarnerata tangajorneqarnerataluunniit kingorna tiimit pingasut tikillugit silaannarmiittartut; kanngussammi tiimit sisamat tikillugit, pappimi 24 tiimit tikillugit aamma plasticimi sisammilu manngertorsinnaanngitsumi ullut marluk-pingasut.
Nuak isugutatsillugu viruseqartarpoq. Virusit toqunnginneranni tamarmi panersimassaaq. Tangajoraanni imerpalasuata sananeqaatai mikisut 12 tiimit tikillugit inimi silaannarmiissinnaapput, taakkulu naajorarneqarsinnaapput.
Misissuinerit aamma takutippaat inuit aavisa naqitsinera qaffasittoq nappaataat ajornerulersinnaasoq, aammalu pujortartartut inuillu issanngusarnermik nappaatillit eqqorneqartartorujussuit, Covid-19-inip puannik ajortitsisarnera pissutigerpiarlugu.
Covid-19-ip akornissaanut suli nakorsaateqanngilaq, aamma nakorsiarnermi nappaatigijunnaarneqarsinnaanngilaq. Iliuuserisinnaasatuarput tassaavoq pinaveersaartitsineq, pinaveersaartitsineq aammaarlunilu pinaveersaartitsineq. Kim Kielsenip nunarsuarmi tamani tuniluuttumut nappaalarujussuartoqarnera pillugu Kim Kielseni akerlerluinnaanik isummeriaaseqarpoq.
Illuatungiliuttut qanoq oqarnerat tusarniaruk, nappaatip tuniluunnissaa akiorniarlugu qanoq iliorsinnaanitsinnik siuneersuuteqarput, siunnersuutit isumatusaarnermik tunngavillit. Nunaqarfiit mikinerit nunaqarfiilu nappaalasoqalernissaanut iliuuseqarfiusinnaangitgsut eqqarsaatigikkit.
Kim Kielsenip nunarsuarmi tamani tuniluuttumik nappaammut isummeriaasia sakkukippallaappoq.
Maannakkut sakkortunerusunik iliuuseqartoqarli, piffissaq piareersarnissamut sapinngisamik atorneqarli aammalu inuussutissarsiortunut namminersortunullu mikinerusunut aningaasatigut iliuusissat qularnaatsut atuutilernneqarlutik.
Maligassiuillutit siuttuugit.
Nappaat pinngitsoortinniarneqarli, peqqinnissaqarfipput malinnaasinnaanngilaq. Nappalasoqalernissa pinngitsoorsinnaanngilarput.
Tunillaassuuttoqarujussuarnissaa MAANNAKKUT pinaveersimatissavarput.