Corona virus / Covid-19: Killeqarfigut matulllugit. Pingaartumik DANMARKIMIIT.
Ilaasunik angalassinermi matuivinneqartut pillugit iliuusissanut piffissaq atorneqarli ajortoornermilu inatsisit suliarineqarlik.
Tulliullugu:
- Kalaallit Nunaata Danmarkillu angallannermi qanoq isummissanersut pillugit Danmarki attavigineqarli. – Siunnersuuterput tassaavoq Kalaallit Nunaannut angalasut ulluni 14-ini mattunneqaratik Kalaallit Nunaannut isissanngitsut. Inuilli Danmarkiliarluarsinnaasut.
- Naalakkersuisunit innuttaasut akulikinnerujussuarnik ilisimatitsisarnissaq.
- Avinngarusimasunut spritinik assannut bakteriaatinik pilersuinissaq isumagineqarli. Immikkorluinnaq.
- Peqqinnissaqarfimmut politiinullu oqarasuaatikkullu paasiniaavinnut sianerneq akeerulli. Taamaanngippat inuit aningaasaateqannginneq pissutigalugu takkusitissapput taamaaliornermilu tunillaasoqariaannaavoq.
- Qaqugukkut nakorsiartoqarnissaanik qaqugukkullu nammineerluni mattunnissaq pilllugit kalaallisut najoqqutassiat tamanut nassiunneqassapput.
- Ajornartoornermi, virusimik nappaateqalersinnaasunut kingusinnerusukkullu nappaateqalertussanut, angallassinissamut sillimaniarnissamik aalajangersaaneq.
- Arktisk Kommando, politiit aamma Air Greenland timmisartortartunut illersornermilu sulisunut tunillaneqariaannaanermik immikkut pinaveersaartitsiniarluni iliuuseqartoqassaaq,
- Taamatuttaaq angallatini naalakkanut pilersuivinni pingaaruteqartuni sulisunut.
- Nunatsinnut anersaartuutinik amerlanerusunik pissarsisoqarli, qanorluunniit akeqaraluarpata-
- Naleqquttumik ilinniarsimasunik taamatulli suliaqanngitsunik aggersarneqarsinnaasunut tamaasa pillugit allattuiviliortoqarli.
- Namminersortunut inuussutissarsiortunullu annikinnerusunik ingerlasunut ajornartoornermi iliuusissanik pilersitsisoqarli. Tamanna suli pisariaqartillugu. Aningaasatuuteqarfiusorujussuit pillugit iliuusissani suut kinguartinneqassanersut tamassuma kingorna isummerfigissavarput.
- Angerlarsimaffeqanngitsunut ajornartoornermi iliuusissat unnuiffissallu.
- Innuttaasunut tarnikkut ajuutilinnut, angerlarsimaffimmi ikiorneqartartunut immikkorluinnarlu pisariaqartitsisunut tamanut pilersaarutit ersarissut.
- Akissarsiakitsunut, utoqqarnut angerlarsimaffeqanngitsunullu innuttaasunut immikkorluinnaq akissarsiaasinnaasut, taamaalillutik ataasinngorpammit pisiniarsinnaaniassammata.
- Ingasaassilluni eqqanarsarnissaq pinngitsoorniarlugu nioqqutissanik soorlu spritinik errortuutinik killilersuinissaq pillugu pisiniarfiit oqaloqatigineqarlik.
- Ulluni 14-iniit sapaatit akunnerisa tallimat tungaannut matusisoqapallalli.
- Aamma misissuinerit pillugit Islandimut Danmarkimi peqqinnissaqarfimmut maannakkut isumaqatigiissusiortoqarli.
- Peqqissaanermi sulisut pingaaruteqartut sulisoriinnarnissaat pillugu Danmarkimut isumaqatigiissusiornissaq isumagineqarli. Tamanna inuunermut pingaaruteqalissaaq.
- Atuarfiit, aamma cafiet, neriniartarfiit, ulluunerani paaqqinnittarfiit pisortanilu sulisoqarfiit piaartumik matuneqarlik.
- Sulisut peqqissutsimik ajornartorsiuteqartut utoqqaallu ingerlaannaq angerlartinneqarlik.
- Innuttaasunut paasititsiniaasoqarli.
- Kalaallit Nunaannut isaaffiit tamarmik matuneqarlik paarsisulerneqarlillu. Pisariaqassappat inuit avataaneersut mattunneqarlik.
- Inatsisartut ataatsimiigiaqqunearlutik, taamaalilluta immikkut malittarisassaalersinnaasut aalajangersarniassagatsigit.
- Innuttaasugut tamanna pillugu peqatigineqarlutik
Peqqinnissaqarfiup napparimasoqalerpat napparsimasut KATSORSARSINNAASSAVAI.
Maannakkut iliuuseqarutta tamakku ilaat immaqa pinngitsoortissinnaavagut.