Corona virus nutaaq pillugu.
Napparsimaguit, angalaqqammeruit nappaateqarnermilluunniit takussutissaqaruit nammineq piumassutsinnik imminut mattugit:
Qinnuigaakkit isumaqaruit napparsimallutit sivikinnerpaamik ulluni 14-ini nammineq piumassutsinnik imminut mattugit, aamma nalinginnaasumik nuallukkuit sapigaqarnernilluunniit ajuuteqaleruit.
Napparsimanngitsut pisiniartikkit puussiarlu matup silataanut ilitillugu. Filminik nangeqattaartunik isiginnaarit, suliffeqarfiillu napparsimaninnik taamaammallu angerlarsimaannarninnik nalunaarfigiuk.
Angalaqqammeruit imaluunniit killilersuisoqalinnginnerani maanga tikittut ilagippatsit qinnuigaakkit qanigisatit peqatigalugit sivikinnerpaamik ulluni marlunni-pingasuni nammineq piumassutsinnik immissinnut mattuteqqullusi, taamaalillusi nappaateqarnermik takussutissaqarnerlusi takuniassagassiuk.
Aamma akisussaaqatigiitta kateriffiusunullu ornigunnata. Aaqqissuisuuguit pissutsinik takunnissinnaalernissatta tungaanut aaqqissuinerit tamaasa unitsikkit.
Nammineq piumassutsitsinnik akisussaaqatigiikkutta tuniluuttoqalernissaa pinngitsoortissinnavarput..
Inuit nalinginnaasumik napparsimasut NAPPARSIMAVILIASSANNGILLAQ, peqqissaavimmulli sianissapput ilitsersorneqarlutillu. Nunap Nunatta Nakorsaaneqarfiata nittartagaani uani www.nun.gl takuneqarsinnaappat
Napparsimaninnik takussutissaqaruit soorlu nuammik puakkut sakkortuumik unitsitsillutit anersaartorniarnerillu ajornartorsiutigigukku nakorsamit ikiorserneqarniassaatit.
Napparsimaninnik takussutissaqaruit soorlu nalinginnaasumik nuallutit nammineerlutit angerlarsimaffinni mattussinnaaguit peqqinnissaqarfik attavigissanngilat.
Sianersinnaavutit qanorlu iliornissannik ilitsersorneqarlutit.
Tamassumunnga pissutaavoq peqqinnissaqarfik Corona pissutigalugu taamatut nualerutta aammalumi nalinginnaasuni napparsimasorujussorujussuarnik katsorsaasinnaanissaa.
Utoqqaat illuinut, paaqinniffinnut assigisaannullu pisariaqavinngippat pulaarnak.
Namminersortut, kattuffiit ikiuuttartut:
Qinnuigaakkit attavigisartakkatit misissuleqqullugit, nappaammit bakterissat tuniluunnerisa qanoq unitsinneqarsinnaanersut misissortakkit.
Allat qanillinaveersaakkit, 1,8 aamma 2 meterit akornanni ungasitsigikkit, pisiniarfimmiissimaguit kiinnat qinngannilu ameraasat attornagit.
Inuit napparsimasut attorsimasaat attornagit.
Nappaat aamma anakkut anartarfikkullu tuniluuttarunarpoq, taamaammat taakku akulikinnerusumik salinnissaat isumagiuk.
Aammattaaq; atortut qaavi akulikinnerusumik salittakkit, aamma mobiltelefonit, matup tigummivia siniffillu.
Eqqiluisaarnermut maluttarisassat malikkit, inuit napparsimagaaginnartulluunniit angerlarsimaffimmi mattunneqarnissaat isumagiuk.
Taamaaliorsinnaagussi pisinnaagussilu angerlarsimaffeqanngitsunut, utoqqarnut inunnullu mattunneqartunut pisiniarnissamut nerisassanillu ikioqatigiiffissat piareersarsigit. Taamaammat piumassutsiminnik sulisusi tamarmik eqqiluisaarnissamik pimoorussilluinnarnissaat isumagisiuk, taamaalilluni tuniluuttoqannginniassammat. Taava inoqatigut uivernata ikiornissaat kissaatigigutsigu ikiuunnissatsinnut piareersimassaagut.
Virussi pillugu najoqqutassiat atortullu meeqqanut ilaqutariinnullu meerartalinnut siaruarternissaannik ikiortigut, aamma kaallisut saqqummersinneqarniassammata.
Ataqatigiikkutta ajornartoorneq qaangersinnaavarput, eqqanaarsarnasi:
Salliutillugu ataqatigiinnikkut ajornartoorneq qaangerluarsinnaaneruarput.
Annertuunik pisiortorissaq nerisassanik soorlulu equutissanik katersinissaq tunngavissaqanngilaq.
Nakorsaatinik, inuussutissanik allanillu niuerfiit suli ajalusuunngillat nunarsuarmilu tamarmi tamakku qulakkeerniarlugit suleqatigiittoqarpoq.
Allat eqqarsaatigigutsigit pilersuineq nalinginnaasuussaaq, annertoorujussuarnik pisiortornak.
Asasasi politiini, peqqinnissaqarfimmi oqartussanilu pingaaruteqartuni allani sulisut paarisigit.
Suleruluttussaagunarput.
Pissutsit nunatsinni suli aarlerinanngillat.
Malittarisasssat nalinginnaasut nammineq malikkutsigit tamassuma pinnginnissaa qulakkeersinnaavarput.
Nunatsinni aqutsisunit nutaarsiassaqalerpat allaqqissaagut.
Utoqqaat, nappaatinut akiuussutissaqanngitsut, inuiaqatigiinni navianartumiinnerpaat sulisut paaqinnittut inuillu oqartussat paarinissaannut ikioqatigiissaagut.
Inuiaqatigiinni ikioqatigiitta. Pilersuinerit qulakkeernerisigut, allat paarinerisigut pisariaqarpallu inuit pisiniarnissaat ikiorneqarnissaasalu qulakkeerniarlugu ikioqatigiissaagut.
Salliutilluguli eqqiluisaarnermut malittarisassat malinnissaat tuniluuttoqannginnissaalu qulakkiissavagut.
Taava ajornartoorneq qaangersinnaavarput.
Peqqinnissaqarfimmi, politiini, isumassuivinni, ulloq unnuarlu paaqqinnittarfinni tamassinnut qujanaq, piffissami aggersumi aamma nunatsinni assigiinngitsuni inuussutissanik pilersuinermik pilersuivinnilu sulisunut kiisalu inuiaqatigiinni suliassaqarfinni pingaaruteqartuni oqatussanut allanut. Neriorsussavassi qasulerussi aamma mianerineqarumaartusi.
