Angerlarsimaffeqanngitsut, meeqqat inuusuttullu unnuakkut aqqusinermi angalaartartut:
Angerlarsimaafeqanngitsunut sumiiffissat qularnaatsut, amma nerisassat imermillu pissarsisinnaanissaat qulakkeerniarlugu isumaqatigiissusioritsi.
Covid-19, Corona-virussi nutaaq, maannakkut atugaalermat, iluarigaluarutsigut iluarinngikkaluarutsiguluunniit, inuiaqatigiinni sanngiinnerpaat isiginianngitsuusaarnissaat pisariaqartinneqarpoq..
Angerlarsimaffeqanngitsut aamma meeqqat inuusuttullu navianartumiittut angerlarsimaffeqarnissamik, nerisassanik imermillu pilersorneqarnissamik aamma unnuiffinni inuppassuit tattorliuunnatik sumiiffissaqarnissaasa qulakkeerneqarnissaannik pisariaqartitsipput
Naalakkersuisugut Kommunillu kaammattorpagut.
Inissiat inoqanngitsut, allaffiit pisortallu iniutaat allat naleqquttut atorneqanngitsut ammassigit, angerlarsimaffeqanngitsut inigisaqarniassammata nalunaarsorneqarlutik.
meeqqat inuusuttullu inersimasunik akisussaassuseqartunik Meeqqanik innarliisimannginnermik uppernarsaateqartunik sulisulinnik ornittagassaannik utaqqiisaasumik pilersitsigitsi, taamaalillutik toqqissisimanngitsumik angerlarsimaffeqaratik pisariaqartitsisoqarpat oqquiffissaqarniassammata.
Illoqarfinni nunaqarfinnilu taamatut pisariaqartitsiviusuni taakku marluk isumagisigit.
Navianartumiinnerpaat ajorteriaannaanerpaallu piffissami ajornartoorfiusumi puigorneqassanngillat, ataatsimoorutta sinniisuuffigineqanngitsullu puigunngikkutsigit nakuunerussaagut..
Utoqqarnut innuttaaqatitsinnullu sanngiitsunut ikiuinissamik aaqqissuigitsi:
Utoqqaat ikiorneqarnissamik pisariaqartitsisut nalunaarsorlugit aallartereeritsi, aamma nerisassanik pisiassanillu pilersorneqarnissaat, perusersartarfimmukarnissamik ikiorneqarnissaat isumagisiuk, inuiaqatigiillu utoqqarnik sanngiitsunillu ikiuinissaannik kaammattorsigit, peqqissutsimulli aaqqiinerit pisariaqartut isumagalugit.
Pisariaqartitsiviusuni nakorsaateqarnissaanik katsorsaanissamullu pilersaarusiornissaq isumagisiuk, aamma paaqqinnittut kalaallisut ersarissumik ilitsersorneqarnissaat isumagisiuk.
Napparsimavinni peqqissaavinnilu piareersimatitsigitsi, taamaalilluni utoqqaat innuttaasullu sanngiitsut piffissami aggersumi katsorsarluarneqarniassammata.
Tarnikkut napparsimasunut nakorsaatinillu pilersorneqarnissaannut pilersaarusioritsi, innuttaasullu tarnikkut ajuutillit isumannaallisaanermi attaveqarluarnissaat isumagisiuk.
Inui pisiniussisarnissamik il.il. piumassutsiminnik sulisussatut maannakkut nalunaareernissaannik kaammattorpagut, eqqaamassavaalli virusip tuniluutinnginnissaannik naleqquttunik iliuuseqarnissaq.
Piumassutsimik ikiuisartut suleqatigiiffii piumassutsimik sulisussarsiornermi ikiueqquneqarsinnaapput.
Inunnik tatigisinnaasatsinnik piumassutsiminnik sulisoqarnissaa isumagisiuk.
Peqqinnissaqarfimmut, politiinut oqatussanullu allanut tamanut inuiaqatigiinni pisariaqartunik suliaqartunut qujanaq. Qasulerussi mianerineqarnissarsi isumaginiarnissaanik neriorsussavassi.