Pisut pimoorulluinnartariaqarpavut, uippakkajaaratali eqqarsaqqissaarlutalu. Taamak iliorutta angusaqarnerussaagut. #Ataatsimoorta
Ikioqatigiitta, inuiaqatigiit ikiorunallugit! Timip imminut illersorsinnaaneranut unammillernartorsiortut, sanngiinnerusortavut. Taakku pillugit eqqiluisaarit, aqqusinermullu qitserarnak, assammitaqarnaveersaarit.
Ilassigutta immitsinnut isinnguaaginnarta, aalateralutaluunniit ?
Nunani allani angalasimagussi imaluunniit nunani coronavirus-imit eqqugaasimasumiissimallutit imal. naliginnaasumik napparsimaguit angerlaruit ikinngutitit ilaquttatillu takorusukkaluarukkit sianerfigikkit, face-timeqatigikkit immaqaluunniit sms-erfigalugillu aamma messengerikkut attaveqarfigikkit.
Ataqatigiilluta ikioqatigiinnissatsinnut maanna periarfissatsialammik siumugaqarpugut, peqqinnisaqarfippummi malinnaasinnaassappat virusip tunillaassuunnera pinaveersaartittariaqalerparput.
Napparsimaguit: angerlarsimaannarit, inuit allat tunillannaveersaakkit. Naliginnaasumik nuanneq uippakkajaarutigineqalersinnaavoq, immikkoortitsinernillu pilersitsisinnaalluni.
Inuiaqatigiit – iniqatigut eqqarsaatigilluarlugit inuusunnaalluta takutittariaqarparput.
Allat eqqarsaatigikkit:
Napparsimasut, utoqqaat, angerlarsimaffeqanngitsut allallu artorsarlutik inuusut ernumagaakka.
Pisiniarfilerilerussi qaammammusiaqanngitsut eqqarsaatigalugit pisiniaritsi. Suut tamaasa tingoorarnagit, pisarnertulli naliginnaasumik pisiniarsinnaavutit.
Pilersaarusiamik saqqummiisoqagajalissajunnarsivoq, uatsinnullu apuunneqarpat sukkanerpaamik saqqummiukkumaarparput.
SAM-imi pilersaarutit pissangalluta utaqqivagut, qanoq iliornissarput Nunatta siuttuisa qanoq eqqarsaatigineraat, utaqqivugullu Inatsisartut attavigineqarnissaannut paasissutissiivigineqarnissaannullu.
1. Allat tunillaaviginaveersaakkit.
2. Utoqqartagut ikiortigit allallu pisiniunneqarnissaminnik pisariaqartitsisut allanilluunniit ikiortariallit ikiortigit piffissami aggertumi, tunillaassuinnginnissarli salliullugu eqqarsaatigitigu.
3. Eqqissisimaannarit, tuniluussinnaanerali pimoorulluinnaruk.
4.Coronavirusi pillugu misigissutsitit inoqaternut eqqartukkit tamanna pisariaqartikkukku, tuppallersaanissaq eqqissisaanissarlu pisariaqartitsisuni isumagikkit, soorlu meeqqani, meeqqallu eqqiluisaartuunissaannik ilinniartikkit.
#Ataqatigiinneq
#ImmitsinnutPaaraluta
Napparsimasutut misigiguit, napparsimavimmut attaveqarit, sapinngisamillu angerlarsimaanarlutit
tunillattitsineq unitsinniarlugu:
