Suleqatigiissitsisut nunatsinnnut tikiffiusartuni, tassa mittarfinni angallatiniillu inuit nunniffigisartagaanni misissuissutit nuunneqarsinnaasut pillugit pgf. 37 naapertorlugu apeqquteqaqqammerput. Sooq? Pissutigalugu tuniluunnerup pinngitsoortinnissaanut ajornannginnerpaajugunarmat.
Ippassaq tupannerput qujanartumik pissutissaqanngilaq, sulialli tamarmiusup iliuuseqarfigineqarnera innuttaasut paasiuminaatsippaat. Taamaammat oqartussa maannakkut ilisimatitsinissaat pingaaruteqartorujussuuvoq.
Covid-19-inip tuniluussinnaanerata pinngitsoortinnsisaanut periuseq ajornanngingaatsiartoq tassaasinnaavoq Kastrupimi, Kangerlussuarmi nuunneqarsinnaasunik misissuiveqarnissaa Air Greenlandimullu isumaqatigiissuteqarnikkut qisernik misiliutissanik nunamit tamarmit toqqaannartumik nassiussisinnaanermut periarfissaqarneq..
Ippassaq pisumi imarpik ikaarlugu timmisartorsuarmut ilaasunit Kangerlussuarmi utaqqisunit toqqissisimanngitsunit immaqa virussimik tunillatsisimasunit siarnerfigineqarpugut.
Pineqartoq misigisimavoq misiliutit utertinneqarnissaasa tungaannut ilaasut tunillatsissimanissamut ulorianartorsiortut tamarmik matussaanissaat pitsaanerussasoq.
Kangerlussuarmit sinerissamut tamarmut timmisartut pillugit ilisimatitsisoqassasoq allaqqavoq, sunalu pillugu annertunerusumik ilisimatitsisoqarani – taamaallaat tusagassiuutini tamanni atuarsinnaavaat Imarpillu ikaarlugu timmisartumi ilaaqatimik sunik oqaluutuarnerat, taamaammat toqqissisimasoqanngilaq.
Aamma Coronavirussip aatsaat ullut marluk qaangiunneranni tuniluuttarneranik ilisimatinneqanngillat.
Aamma sulisut oqartussallu timmisartorsuarmiittut illersuuteqanngitsut takuaat.
Taamatut tupassuteqareernermi sulineriaatsitta pitsanngortissaannut tuniluusinnaaneratalu pinngitsoortinniarlugu eqqarsarluarnissatsinnut tunillatsittoqarneranilu peqqinnissaqarfitta iliuuseqarsinnaanerata qulakkeerniarnissaanut periarfissaalluarpoq
Taamaammat Naalakkersuisut nutsinnut issavinni misissuisarnissamut periarfissaqartitsinissamik napparsimavimmiinngitsunillu kisianni sumiiffinni tunillatsissimasut allanik tunillaasinnaaffianni missuiveqarnissanut periarfissisinnaaneq eqqarsaatiginikuuneraat aperivagut.
Suliassaq maannangaaq aallartilluarsinnaavarput.
taamaammat misissuutinik nuunneqarsinnaasunik periarfissaqarnermik aperivagut.
Uloriarnartoq tassaavoq, nunat allat assigalugit, tassanngaannaq tuniluuttoqalersinnaanera peqqissaasoqarfinnilu pisut iliuuseqarfiginnissaannut iltilersuuteqartoqanngilaq anersaartornermilu illersuuteqartoqarani.
Taamatut avinngarusimatigisumi inuugatta amerlasuut tunillaanissaasa pinaveersimatinnissaa pitsaasuuvoq, taamaalilluta tuniluuttoqarnissaa pinngitsoortissinnaalutigut siullermillu tunillatittoqarpat peqqinnissaqarfik malinnaasinnaalluni.