Suleqatigiissitsisut imaluunniit Tunngaviusumik Inatsit pillugu Ataatsimiititaliarsuarmi ilaasortarput Anita Hoffer ataatsimiititaliarsuarmi akissarsianik imarisaanit sammisaqarfiunerusumi peqataanissaq kissaatiginngilarput
Suleqatigiissitsisut piffissap uuma aallartinnerani Tunngaviusumik Inatsit pillugu Ataatsimiititaliarsuarmut ilaasortassanik inassuteqaateqarnissamminnut periarfissinneqarnikuupput. Peqataanissaq pillugu Siulersuisuunerni sivisuumik oqallisereerluni isumaqatigiissutaavoq aningaasanik akeqassanngippat, tamannalu neriorsuutaavoq, ataatsimiinnerillu ingerlanneqartassappata taava peqataasinnaavugut. Ilaatigut suleqatiginnikkusunnermik takutitsiniarluta ilaatigullu amerlanerussuteqartut aalajangiinerisa avataaniiginnanngitsugut takutinniarlugu – peqataavikkusuppugullu – naak namminiilivinnissamik eqqarsaateqarneq isumatiginngikkarluarlugu.
Inuk piukkunnartoq – tassa Anita Hoffer – atorlugu pitsaassusilimmik sulinissaq qulakkeerniarnikuuarput.
Louis Sigurdsen, Inatsisartut qinigassanngortittoq sinniisussaanikuuvoq.
Anita Hoffer ilisimasaminik piginnaasaminillu tapersiinissaq siunertaralugu suleqataalerpoq. Akissarsiaqassanani Tunngaviusumik Inatsit pillugu Ataatsimiititaliarsuarmut aallaqqaammulli erseqqissumik nalunaarutigaa.
Anitamut taamaalilluni imarisaa aningaasanit pingaarneruvoq. Tamanna aamma pivoq pisinnaatitaaffiit pillugit suleqatigiissitami siulittaasunngoraluarluni.
Maannakkut uagut Anitalu paasivarput Tunngaviusumik Inatsit pillugu Ataatsimiititaliarsuarmi ilaasortat akissarsiaqassasut piffissatinneqartorlu sivitsorneqartoq. Akitsuutit qaffasinnerusut Ilanngaassivillu pillugu politikkikkut aalajangiinerit allat tunngavigalugit uagut imaluunniit Anita Hoffer tunngaviusumik inatsit pillugu ataatsimiititaliarsuarmi peqataasinnaajunnaarpugut. Suleqatigiissitsisut taamaammat ataatsimiititaliarsuarmit ingerlaannaq atuutilersumik tunuarput.
Suliami peqataatinneqarnerput pillugu qujavugut, isumaqarlutali sulinermi nikeriartoqarsimanngitsoq. Isumarput malillugu sulineq isumaqarfigineqarneranut naleqartiginngitsoq maannakkullu aamma akissarsiaqartitsinerulertoqassalluni. Namminiivinneq erngiinnaq pinavianngilaq taamaattariaqanngilluinnarlunilu.
Tunngaviusumik inatsit pillugu ataatsimiititaliarsuarmi peqataaneq imarisaanikpissuteqartariaqarpoq, aningaasat pinnatik.