Meeqqat atuarfiini ilinniartitsisut piumasaqaatinut annertusiartuinnartunut akersuupput, ilinniartitsinermi atortut pisoqqat atorlugit, meeqqat atugarliortut aamma aserfallassimasunik pisoqqanillu inini atuarfinnilu atuartitsisarlutik.
Peqatigitillugu ukiut affakkaarlugu ukiumullu ataasiarlutik angajoqqaanik ataatsimeeqateqartassapput, ukiut tamaasa atuartitsinermut pilersaarusiortassapput, ukiut affakkaarlugit, atuartut mappii eqqaamassavaat, atuartullu atugarliorpata innersuussiffissaqaratik. Suliniarsuarput.
Perorsaanermi trinini ataatsimiinnerit, klassini ataatsimiinnerit, angajoqqaanik ataatsimeeqateqarnerit, ilinniartitsisut ataatsimiinneri, aqutsisut ataatsimiinneri qularnanngitsumillu mus-imik oqaloqatiginninnerit allallu.
Atuagarsornermi perorsaaneq ilikkarnartullu qanoq piviusuni atorneqalissappat? Atuartitsineq qanoq soqutiginartunngortinneqassava? Meeqqat ilaasa atugarliornerat pissuserissaannginnerallunniit pissutigalugu klassimi qanoq eqqissisimatitsissappat? Angajoqqaanut intra, klassini immikkut atuartitsineq, peqataatitsineq, ikkatiginninnerit, meeqqat ilaasa tarnikkut ajornartorsiuteqarnerat, oqaatsit marluk – pingasut, ilinniartitsisut qanoq iliussanerlu qanorlu suleqatit aqutsisullu immikkut tamarmik isumaqartut.
Innarluutilinnut immikkut ilisimasalinnut innersuussinissamut periarfissat ikitsut periarfissaqannginnerluunniit.
Ilinniartitsisut peqatigitillugu ernumanissamut uuttuut ilisimaqqinnaassavaat, ilaatigullu illup iluani silaannarmik ajornartorsiuteqartarlutik, pequtit aserfallannikut nutarterneqanngitsullu, angajoqqaallu inuttut atukkatigut ajornartorsiuteqartut aamma inissaqartittussaallugit, kommuninut nalunaarut allattassavaat – pisariaqarpat suliani peqataasassapput aammalumi ilinniarsimasassat allanngorartuartut isummerfigisartussaallugit.
Sulinermi atukkat imaannaanngitsut, atuartitserusuinnaraluarluni, suliamik pimoorussigaluarluni atuartullu inuuneranni sunniuteqarusukkaluarluni.
Suleqatigiissutsisuni isumaqarpugut atuarfiup pitsaasup suuneranik ilinniartitsinermi tamarmi ilinniartitsisut pitsaasut qanoq ittuunerannik isummatta nassuiaasersornera uterfigeqqissagipput.
Ilinniartitsisut ulluinnarni sulinerminni nammattunik skkussaqassapput, taamaalillutik pitsaasumik pilersaarusiorsinnaaniassagamik, aamma meeraq atugarliorpat innersuussivissanik naammattunik peqassapput.
Ilinniartitsisut ukiup ingerlanissaanik aaqqissuussisarnerannik ikiussavagut, ajornanngitsumik suliariuminartumillu, taamaalillutik atuartitsineq aallunniassammassuk.
Taartaasartut, ilinniartitsisut inuillu ikorfartuisartut ulluinnarni sulinerminni tamanik takussinnaalersinniarlugit immikkut assigiinngitsunik pisiaqartitsisoqartillugu innersuussivissanik periarfissaqarnermi elektronikki atussavarput.
Ilinniartitsisunngorniarfimmi ilinniartitsineq pitsaassuseqarnerulersissavarput, tassani ilinniartitsisut ulluinnarni sulinissamut pisoqarfiusaqisumut piareersarlugit.
Suliniutissarpassuaqarpugut, ilinniartitsisullu malinnaanissamut periarfissaqarnissaat ilinniartitsisullu malinnaanissamut periarfissaqarnissaat, tapersersorneqarlutik oqaloqatigineqartarnissaat pitsaasumik aqutsinissamut atuarfinnilu ataqatigiinnissamut tapersersorneqarnissaat pingaaruteqarluinnarput.
Sulinermimi piviusut taamaapput. Pisariaqartinneqarpullu.