Peqqinnissaqarfimmut amerlanerulluni aningaasaliinissaq qulakkeerniarlugu Aningaasnut inatsit pillugu inatsit pillugu eqqarsartariaaserput tunngavisumik allanngortittariaqarparput
Innuttaasutta suliassap suliarinissaanut aningaasat ikinnappallaarnerat pakatsissutigaat
Aamma aturfinnut, utoqqarnik paarsinermut, isumaginninnermut, meeqqanut inuusuttunullu navianartumiittunut innarluuteqartunullu.
Aningaasanut inatsimmi pingaarnersiuinitsinni naammanngilluinnarput.
Imaanngilaq aningaasaateqannginnatta, kisiannili taakkuninnga atuinneriaaserput pissutigalugu. Oqaaseq pingaarnersiuineq tamassumunnga atorneqartarpoq.
Taamaammat partiit isumaqatigiittut Peqqinnissaqarfiup pitsaanerunissaanik, atugarissaarnerup, utoqqarnik paarsinninnerup, ilinniarnerit, ilinniartut inaat, inissiat allallu pitsaanerunissaat kissaatigigitsik uppertinniarpatigut – tamassumunnga taarsiullugu suut pingaartinneruneraat aperisigit.
Taamaammat erseqqissarluartigu partiit TAMARMIK mittarfiit pillugit isumaqatigiissut atsiornikuugaat ukiunilu kingullerni pingasuni-sisamani Aningaasat inatsisini pingaarnersiuinerit taamaatut isikkoqarnerannut akisussaasuusut.
Erseqqissartigu Naalakkersuisut partii tapersersortaat Missingersuutit pillugit inatsimmi pgf. 2-miit 5-imut aningaasanik oqimaaqatigiissitsinissamik imaqartut soqutiginngikkaat, tassa piffissami ukiuni sisani Aningaasanut inatsimmi arlaatigut akisussaassuseqarnq TASSUNGALU PEQATIGITILLUGU meeqqat inuusuttullu, utoqqaat ilinniarnerillu pillugit qineqqusaarnermi neriorsuutitik eqqortinnagit.
Aap, suleqatigiinneq pingaaruteqarpoq, isumaqatigiinnerit pingaaruteqarput, kisianni erngup nukinganik innaallagissiorfinnik nutaanik, mittarfinnik nutaanik sanaartorsinnaagutta sumut iluaqutaassava peqatigitillugu kommuninut ataatsimut tapiissutit ikilisikkutsigit.
Aningaasanut inatsit taamatut isikkoqartillugu Naalakkersuisut partiillu tapersersortaasa isumaginninneq, innarluutillit, meeqqat inuusuttullu atugarissaaqqinnissarlu sipaarfiginiarpaat, akerlianillu sanaatukkat annertunerusumik annikinnerusumilluunniit pissarsissutaasussanut soorlu Inatsisartunut inissianut qulaanilu taaneqartut aningaasaliisoqarluni.
Peqqinnissaqarfik, atuarfeqarfik, meeqqanik isumaginninneq piffissanut atugarissaarfiunerusunut aalisarnerup ukiorpassuarni aatsaat taamatut ingerlluarnerat misigisatsinnit annertunerusunut utaqqisariassagunarput, peqatigitillugu aningaasartuutit, allaffissorneq il.il. sukateriffiginagit.
Taamaammat isumaqarnarsivoq ikiorneqarneq Naalakkersuisut Danmarkimit tigunissaanik peqquneqartoq ukioq manna 80 mio. kr.-nik malitseqartoq nammineq aningaasaatitsinnik assinginik taarserneqartoq. Tassa meerartagut inuusuttortagullu Danmarkip aningaasalersussavai uagullu allaanerusumik pingaarnersiuilluta.
Tamanna eqqarsaataanikuunngilaq.
Tapersersinnaanngivipparput.
Meeqqanut inuusuttunullu, meeqqanut inuusuttunullu, innarluuteqartunut Peqqinnissaqarfiullu pitsaasunngortinnissaanut pilersaarummut aaqqissuusseqqinnernullu sunniuteqartunut malinnaasinnaajumalluta piujuartumik annertuunillu aningaasaliisinnaasariaqarpugut
Minnerunngitsumillu aningaasaatigut pingaarnersiuilluta atussagutsigut nammineq inatsisigut, assersuutigalugu Missingersuutit pillugit inatsit, malissavagut. Allanngortittariaqarpoq. Aammaarluni.