Pinerluttuunermik tunngavik atuutilersinneqarami pisoqalereernikuuvoq
Pinerluttuunermik tunngaveqarneq tamrmi annertunerusumik annikinnerusumilluunniit misileraanermik tunngaviusumik eqqarsartaaseqarluni pinngorpoq immaqalu 50-ikkunni 60-ikkunnilu iluangitsooreersimalluni, pineqataatissiissutini taamanikkut assersuutigalugu ilinniagaqarnissamik pineqaatissiissut ilannguneqarneq ajormat. Taamanikkut ilimagineqarpoq avatangiisit qaninnerit inuit attaveqatigiittarnerat eqqarsaatigalugu iliuuseqartarnermik aaqqiinnissamut ikiuutissasut aallaavigalugu sulisoqassasoq, kisiannili taamanikkulli paasivarput nutaaliortoqaleriartortoq inuillu illoqarfinni katersuukkiartulersut, taamaammallu ataatsimoorluni tunngavimmi aallaavigineqartutut imminut ilisimasareqatigiinneq pinnagu saniatigut attaveqartoleriartoqartoq
Taamanikkumiit maannakkumut inuunerup pitsaasumik ingerlanneqarnissaanut akuttunerusumik eqqartuussisoqartarpoq akuttunninerusumillu akiliisitsisoqartarluni, inissiisoqartarlu imaluunniit pinerluuteqartoq inissinneqarnermini suliffeqarsinnaapput taamaallaat inuunermik pitsaasumik ingerlasitsiniartoqartarluni il.il.
Atoqateqarnerunngilaq – pinngitsaaliineuvoq, innarlerneqartup PISUUSSUTIGINNGISAANNARPAA
Ilaqutaasut akuttunngitsumik soriarsinnaaneq ajorput, aamma innarlerneqartorpassuit ilaqutaasorpassuillu innarliisup pillarneqannginneranik sunnertisimananiluunniit eqqaminni angalaartumik takunnittarnerat akuerineqarsinnaanngilluinnarpoq.
Ajornerulersarpoq innarliisoq soqutiginninngikkangat qanorlu pisoqarsimasuusaartitsinani. Innarlerneqartut nalornilersarput avatangiiserisallu innarlerneqartoq uppernarnersoq nalornissutigileratarlugu.
Taamaammat oqaatsit atukkagut pingaaruteqarput.
Patsisilersorluni atoqatigiinneq pineqanngilaq, innarliisoqaraangat atoqateqarneq pineqanngilaq. Pinngitsaaliineq pineqarpoq, innarlerneqartunik tarnikkut innarliineruvoq, taakku pisuussutiginngikkaat pineqrpoq. Nammineq piumassutsimik iliuuseqarneq pineqanngilaq.
Atoqatigiinneq isumaqatigiilluni iliuusaavoq. Meeqqanut tamanut kinguaassiuutitigut innarliineq pinngitsaalineruvoq. Inersimasunut kinguaassiuutitigut innarliineq aamma pinngitsaaliineruvoq.
Suliniutit amerlanerpasuit
Tassani sakkortusisitsinerit kisimik atorneqarsinnaanngitallat, suliniuterpassuarnik malitseqartitsisoqartariaqarpoq, Killiliisa suliniutillu allat pitsaasut piinnarnagit.
Annertuumik katsorsaasarnissamik pisariaqartitsisoqarpoq, innarlerneqartut atoqatigiittarnermi, asanninnermi, attaveqatigiittarnermi, PTSD-mik takussutissaqarluni, nikallungarujussarnermik annilaanganermillu kingusissukkut kingunerlutsitsisarnerat pillugu paasisitsiniaanissamik pisariaqartitsisoqarpoq.
Meeqqat nunatsinni pisuussutit pingaarnersaraat pitsaanerusunik suliffissaqarnissamut, pitsaanerusumik ilinniagaqalernissamut, pitsaanerusunik inatsiliortartoqarnissamut inuiaqatigiillu pitsaanerulernissaannut siunissaqarnermut tunngavissaq tassaniippoq.