PTSD Kalaallit Nunaanni atugaasorujussuuvoq. Taamaakkaluartoq katsorsarneqarnissamut suli periarfissaqanngillat. Inuit kingunerluutaasumik pisoqareernerata kingorna PTSD-qalersarput aammalu sorsunnernit ajutoornernilu ilisimasaqaneqarluni, taamatullu inuunermi sakkortuumik kingunerluuteqartitsinermi pisoqarneranilu. PTSD pisimasunik kingumut misigisuusineri, aninissamik ersigisaqarnermik tarnikkullu ajoqutinik allanik malitseqartarpoq.
PTSD-p aningaasanut inatsimmik isumaqatigiinniarnernut ilanngunneqarnissaanik pisariaqartitsivugut
PTSD – Posttraumatisk Stress Syndrom, tassaavoq sakkortuunik misigisaqarnerup kinguneranik stressernerusoq. Inui tamarmik PTSD-mik eqqugaasinnaapput. Pisut soorlu pinngitsaalisaaneq, saassunneqarneq assigiisaallu PTSD-qassutaalersinnaapput. PTSD-mut takussutissat akulikinnerit tassaasinnaapput: Pisut kingunerluttaasut kingumut misigisuusineri, aallussinissamik ajornartorsiutit, ajortunik eqqarsaateqartuarneq, sinissinnajunnaarneq, sillimajuarneq, akulikitsumik sinnattornerluttarneq, aporaaffeqarusunnginneq, akukilitsumik kanngusunnermik pisuunermillu misigisimaneq. Inuppassuit ulluinnarni inuunerup ingerlassinnaannginneranik misigisimasarput, avatangiisinut ilanngunneq ajoprut immaqalu nipituumik tusaasaqarnermi tupassinnaasarlutik.
Inuit PTSD-qartut naggataatigut PTSD-mik pinngortitsinnaasumik iliuuseqarsinnaajunnaartarput taamaammallu ulluinnarni inuunerat imaarukkiartuinnarsinnaalluni.
Sulinerit, aappaqarnerat inunnut allanut attaveqarnerat il.il. sunnerneqartarput.
Taamaakkaluartoq PTSD-mik katsorsaasarnissaq sammineqanngilaq. Misileraaroqarnikuugaluartoq uppernarsarneqarnikuvoq PTSD-mik katsorsaaneq ilaatigut pitsanngortitsisinnaasoq tiimillu katsorsaaviit psykologip nalinginnaasumik pisariaqartinneqartut sivikillisinneqartarlutik.
Tamassuma kinguneraa PTSD-mik katsorsaanerit psykologit oqaloqateqartarnerisa pitsaanerulingaarnissaanut aqqutissiuisarnerat. Tamanna psykologit inunnut katsorsarneqarnissamik ikiorneqarnissamillu pisariaqatitsisunut atorsinnaasatta amerlassusaat eqqarsaatigalugu nunatsinni atorfissaqartipparput.
Taamaammat katsorsaasunut katsorsarneqarnissamillu pisariaqartitsisunut tapersiilluni iliuutsitut PTSD-mik katsorsaanissamut periarfissat misissornissaat soqutiginarsinnaavoq.
Kalaallit Nunaat inuit PTSD-qartut iliuuseqarfigisinnaasariaqarpai iliuuseqarfissallugillu. Pingaartumik aamma inuusuttortagut Danmarkimi sakkutuujutinniarutsigit.