Kalaallit Nunaanni uumatikkut ajornartorsiutit sammineqartinneqartilerniarlugit arfininngorneq ulloq 19. november nereqatigiittoqaqqissaaq.
Tamanna ajornartorsiutaagaluttuinnarpoq peqqinnissaqarfiup Inatsisartullu ataatsimut oqallisigisariaqagaat.
Politikkikkut assersuutigalugu kræfti eqqumaffigineqartorujussuuvoq, nunatsinnili uummatikkut ajornartorsiuteqartoqanngivippoq, tamannalu uummatikkut nappaateqartunut ajornartorsiutaavoq.
TV-kut aallakaatitsinerit kræftillu sammineqarnera kisiannili uummatikkut nappaateqartut kræftimik nappaateqartunit amerlanerupput. Taamaakkaluartoq tamanna oqallisiginngilarput.
Ilaqutaat ikinngutaallu kræftimik nappaateqartutut Rigshospitali aqqusaassavaat, toqussutaasinnaasumillu nappaateqarlutik inuupput.
Arfininngorpat katersuineq tassaavoq uummatikkut pilatsitttunut uummatikkullu nappaateqartunut pilatsiniarlutik Danmarkiliartussanut ilaqutaasut angalanissaannut katersuiniarneq .
Uummatit pillugit peqatigiiffik uummatikkut nappaatit pillugit atortut kalaallisut nutserneqarnissaannut aningaasaateqarfinnit aningaasaliissutinillu aningaasanik katersuerusuppoq, tassa paasissutissat maannakkut danskit oqaasii atorlugit pissarsiarineqarsinnaammata.
Amerlasoorpassuarnut ajornartorsiutaasorujussuuvoq, pingaartumik peqatigiiffimmi tamarmik piumassutsimik suliffigisaanni, taamaammallu nutserinissamut tamatigut ikiuisoqarsinaasarani, peqqinissaqarfillu sulisoqarniarnermi ajornartorsiuteqarpoq…
Uummatikkut ajornartorsiuteqarluni inuunneq innuttaasut ilisimanngisaannik kingunerluuterpassuaqartarpoq, ajornerpaaffianilu inuit uummatikkut nappaateqarnerminnik– imaluunniit uummatikkut nappaateqarnermut tunngatillugu qaqugukkut nakorsiarnissamik ilisimasaqanngikkaangata inuit toqqussitigisinnaallugu.
Taamaammat tamassuma annertunerusumik sammineqarnissaanik pisariaqartitsivugut aamma innuttaasut peqqissusiannik.
Uummatit pillugit peqatigiiffiup kissaatigaa politikkikkut sammineqarnerusssasoq ilisimasanullu tunngatillugu innuttaasut ilisimasaqartilernerutinniarlugit.
Nuummi arfininngorpat katersuilluni nereqatigiititsisoqassaaq, peqatigiiffiulli neriuutigaa tamanna nunamut tamarmut siaruaatissasoq, taamaalluni uummatikkut nappaateqartut ilaqutaallu imminnut nassaariniassammata..
Taamaalillunilu inuiaqatigiit uumatikkut naappaateqarnermik takussutissat tamakkulu ilaasa qanoq pinaveersaartinneqarsinnaanerat eqqumaffigalugu.