Utoqqarpassuit kalaaliminernik pisinissamut akissaqannginnertik nerisinnaanngertilluunniit pissutigalugu kanngusuttarput. Kikkut tamarmik kalaaliminernik akeqanngitsumik pilersuisinnaasunik ilaqutaqanngitsut assigiinnik ajornartorsiuteqarsinnaapput.
Akerlianik inuiaqatigiinni allat pingaartumillu nunamik aqutsisut nammineq nioqqutissaatinik annertunerusumik pissarsisinnaaanerut sinaakkusiisimannginnertik pissutigalugu kanngusuttariaqarput.
Uku aaqqiissutaasinnaassapput:
1. Aalisartunik/piniartunik tunngaviusumik aningaasaqarnermik tassungalu ilanngullugu niuerfinni pissutsinik pikkorissaaneq. Aalisartut/piniartut tunisassianik ujartuineq neqerooruteqarnerlu aallaavigalugit isertitamik annertusaasinnaanerat pingaaruteqarpoq. Periutsimi pitsanngorsakkami tunisassiaatitta ikikinnerisa saniatigut aamma nioqqutissat ilaannut pingaaruteqartorujussuusinnaapput, tassa aalisartut/piniartut unammilligassaat tassaammata nioqqutissat eqqussukkat akiisa qaffasissusiat – taamaaliornikkullu inuussutissat nunanit allanit eqqussukkat killilerneqarsinnaapput.
2. Akileraaruseeriaaseq malittarisassallu tunisassiortunut pingaarnernut paasiuminartut allaffissornermilu aqukkuminartut. Aalisartut/piniartut ataasiakkaat ingerlatsinermi aningaasaqarnerat akornusernagu tamakkerlugillu paasiuminartunik akileraaruseeriaaseqarnissaq malittarisassaqarnissarlu pingaaruteqarpoq.
3. Annikitsunik tunisassortunut, akit unammillersinnaasut atorlugit tunisassianik nioqqutissanillu pilersuisunut pitsaasumik aningaasalersuinissamut sinaakkutit. Nunattta immikkoortuini asigiinngitsuni piffissat ilaanni amerlaqisunik nioqqutissaqartarpoq, assersuutigalugu puisinik tuttunillu. Inussutissat isumannaatsumik tunisassiarineqarnissaannut eqqutunik sinnaakuteqarutaat periusissarpassunik atorneqarsinnaasunik pilersitsisinnaavugut.
4. Kissaatiginarsinnaavoq aalisartut/piniartut arlalli tunisassiortullu ataatsip suleqatigiilernissat. Tunisassiorfimmik mikusumik ataatsimik inuussutissanik isumannaatsumik tunisassiornissamut tunngaviusumik piginnaasaqartumik isumassarsiaq.
5. Aanna inuussutissarsiorfinnik pilersitsissaagut, tassani namminersortut pisortanut unammillissinnatik.
Aamma isumaqarpugut puisit puisillu amii pillugit uuttuut alla atorneqarsinnasoq.
Puiserpassuit ullumikkut atorneqarneq ajorput iginneqartarlutillu, tamassumanilu ilaallutik avatangiisini qanittuni ajornartoriuteqarneq, pingaartumik takornarissanut.
Puisit neqaat pitsaasumik akeqarpata tamakku tunisassiorfinni atorneqarsinnaapput. Pingaartumik nunatsinni tuniniaavinnut tunisassiat akigissaarluartut.
Puisit neqaanik avammut tuniniaanissap misissorneqarnissaa aallartillugu. Nangeqqinneranili aallartitsinissamut politikkikkut piumassuseqarnissaq pisariaqarpoq.
Namminersorlutik Oqartussat sinnaakuseerusuppata tunisassiortullu pingaarnerit aqqutit allat atorusuppatigit periarfissaqarpoq.
Suleqatigiissitsisut – Kujalleq
Kim Lyberth