Nunatsinni nerisassiornermut tunngasut Kalaallit inatsisaanni aalajangersarneqartarput. Danmarkimili nerisassianut tunngasut EU-p Danmarkillu inatsisaanni aalajangersarneqartarput.
Ulluinnarni niuernermi nammineq nerisassiat siuarsarneqarnissaasa oqallisiginerani, kikkut sinaakkutinik aalajangersaasarnerat pillugu tusatsiakkat imaaginnavipput.
Nunatsinni nerisassiornermut tunngasut Kalaallit inatsisaanni aalajangersarneqartarput. Danmarkimili nerisassianut tunngasut EU-p Danmarkillu inatsisaanni aalajangersarneqartarput.
Danskit naalakkersuisui suleqatigisariaqarpagut EU-mi immikkut aalajangersakkat allanngortinniarlugit sunniiniarnitsinni, kalaallit, kalaallit illuutaasa napparsimasullu angerlarsimaffiisa ajornannginnerusumik kalaaliminernik pissarsisalernisaat pillugu.
Inuussutissalerinermik tigusisariaqartugut Sermitsiami aammaarluni qulequtaqrpoq
Nalunngisakka malillugit Pet Food-inik akuersissutit pinnagit ukiorpassuarni nammineq suliarisarnikuuagut.
- Suliffeqarfiit nunatsinni niuerfinnut tunisassiorniartut Kalaallit Nunaanni ”Suliffeqarfiit inuussutissaleriffiusut pillugit Namminersornerullutik Oqartussat nalunaarutaat nr. 21, 27. juli1998-imeersoq” eqqortissavaat. Tassunga ilanngullugit kalaalimineerniarfiit, arferit il.il. pillugit..
- WFMG-p NEQI-mi uumasunik nunatsinni niuerfinnut toqorarneqartunik misissuisarpoq, avammut tuniniaasoqassappat EU-mit akuersissuteqartoqassaaq, toqoraanerlu misissuisumit EU-mit akuerisaasumit nakkutigineqassaaq.
- Suliffeqarfiit inuussutissalerisut allat tamarmik nunamit tigusisussmit tamatigut akuerineqassapput, tunisassiornermullu piumasaqaataat malinneqassapput tunisassiaallu piumasaqaataat malillugit misissorneqassallutik.
- Inuussutissat eqqussorneqartut pillugit piumasaqaatit taakku pillugit immikkut piumasaqaateqarnissaq kissaatigineqarpat Namminersorlutik Oqartussanit namminernit aalajangerneqartarput.
- Immikkoortumi siunnersuut nutaaq aalajangersakkat taamaallaat nunatsinni tuniniagassanut inuussutissanillu nunatsinni niuerfinni tuniniassanik passussisartunut atuuttut erseqqissrlugit nalunaarummik 21-mik nutarterinerinnaavoq (inatsisinngortillugu).
- Inatsit immikkut tunisassiasorsinnaanermut tunngatillugu pitsaasutut isikkoqrpoq, Namminersorlutillu Oqartussat namminneq tassani aningaasartuutinut tunngatillugu tunisassianut tamatigut sinaakkusiisinnaapput taamaalilluni nunatsinni tunisassiorneq siuarsarneqarsinnaalluni (Nuummi periuseq pitsaasuuvoq).
- Immikkoortut ilaasa qanoq kinguneqarnissaat takussallugu ajornakusuulaarneruvoq, tassa tamanna nammineq misissuisarnissamut atortunut ikiuutinut nalilersuisarmilu internetikkut atugassiissutigineqartunut (immersuiffissat, ilitsersuutit il.l.) nalunaarutini peqqussutinilu atuutilersinneqarnissaannut tunngalluinnarmata.
TAAMAAMMAT apeqquterujussuaq taassaavoq suli tigunikuunngisatsinnik sorpianik tigusinissaq ataatsimiititaliap kissaatigineraa?