Kalaallit ilinniartut ilinniarnerminnik aallartitsilluarnerusarnikuupput nammassinerusarlutillu, amerlerusullu ilinniagaqartissavagut.
Nunatta atorfissaqartippaatit
Ilinniarneq sivikitsuunersoq sivisuujunersorluunniit apeqqutaanngilaq, sulisinnaasulli tamaasa atorfissaqartippagut. Kalaallit Nunaanni sulli nutarterisoqarpoq, inuillu ilinniagallit inuiaqatigiit ineriartorteqqinnissaannut pingaaruteqarput. Sumilluunniit ilinniagaqaraluaruit inuiaqatigiinnut taamaalillunilu ataatsimoornermut pingaaruteqarpoq
Ilinniagaqarneq inuussutissarsiutini atorfimmi iluatsitsilluarnissamut aningaasaliineruvoq. Atorfimmi iluatsitsilluarnermik qulakkeerinninneq toqqissisimanartunik atugassartitsilersarpoq, isertitaqarluartitsilersarpoq, soraarnerussutisiaqarluartitsisarpoq, illit qanigisavillu inuunnerussaarnissaannut aqqutissiuisarpoq.
Illit atugassaqarluarnissavit saniatigut inuiaqatigiit nunattalu siuariartornissaannut aamma taperseeqataasarputit.
Periarfissat soorlu akeqanngitsumik ilinniagaqarneq, akeqanngitsumik nakorsamit ikiorneqarneq akeqanngitsumillu kigutigissartinneq tassaapput inuiaqatigiit atugarissaarluartut innuttaminnut sullississutigisinnaasat, tassanili ersoqatigiinneq illillu atorfissaqartinneqarnernik paasinninnissaq pisariaqarput.
Periarfissat taakku nunarpassuarni takorluuginnarneqarsinnaapput.
Taamaammat inuiaqatigiitsinnut tapersiinissaq pingaaruteqarpoq, tassami ataatsimoorluta tamat toqqissisimanartumik inuuneqartilissavagut.
Akeqanngitsumik ilinniagaqarnissamik periarfissaqarneq atorutuk
Inuiaqatigiinni tamat akeqanngitsumik ilinniagaqarnissaannik meeqqallu atuarfinni atuarnissamut neqerooruteqartuni inuuvugut, tassunga peqatigitillugu ingerlaqqillutit ilinniarninni akilerneqartarputit.
Periarfissat taakku atorneqassapput.
Ilinniarnerit pitsaassusaat qaffatsinneqassaaq, taamaalillutik nunarsuarmi nunani allani qaffasissutsit qaffaseqatigissallugit. Inuusuttortagut nunarsuup sinnerani inuusuttutut allatut pikkoritsigaat, pitsaassusilimmillu ilinniartinneqartariaqarlutik.
Sanilliunneqarsinnaasariaqarput ilinniartugullu nunani allaniillutik semesterimut ataatsimut marlunnulluunniit nikissinnaasariaqarlutik.
Ilinniagaqarneq taamaaliornikkut pilerinartunngortinneqassaaq, taamaalilluni inuit amerlanerusut ilinniakkaminnik naammaassisaqarniassammat..
Periarfissaqarneq soorlu akeqanngitsumik ilinniarsinaaneq pissusissamisuuginnartutut isigissanngilagut. Tunissutaavoq immikkullu pisinnaatitaaffiulluni. Taamatut neqeroorfigineqarsinnaagatta uagutsinnut pitsaasuuvoq.
Meeqqa inuussuttullu universitetimi ilinniagaqalernissamut ukioqaleraangata ikiuuteqarnissaq qulakkeeriartigut, inuttut ajortunik atugarisinnaasaannik paasiniaaffigineqarnikuuppat AAMMA katsorsarneqrnikuupput, peqqissutsikkut ilinniagaqarnissamullu piareersimappat. Inuiaqatigiittut immitsinnut eqqarsaatigaluguta ilinniagaqarsinnaaneq inuusuttullu namminneq takorluugaat sunngorsinnaanermut qaffasinnerpaajunerat ersarissisitsigu.
Inuiaqatigiit tamanit ikiorneqarnissaq pisariaqartippaat.
Inuiaqatigiittut ataatsimoornissaq aatsaat taama pingaaruteqartaqaaq, tassami nunarsuaq avatangiiserput qanittumiippoq.
Maannakkut tamaviaartariaqarpugut; ilinniagaqarneq taamatut tamaviaarnerup ilagaa.
Ilinniagaqarluarneq.
Nunatta inuit tamarmik ikiuunnissaat pisariaqartippaat, ataatsimoortariaqarpugut, meerartagut inuusuttortagullu ilinniartittariaqarpagut paaralugillu.
Oqaluttuarisaanitsinni ataatsimoorutta nakuunerussasagut maannakkut takutissavarput.