Ilinniartunut suliffinnilu sungiusartunut siunnersuusiamut oqaaseqaat
Suliffeqarfiit malittarisassaqareersut malittarisassiuutinnginneranni pissutsit arlallit ilanngunneqartussaapput
Suleqatigiissitsiuni tunngaviusumik isumaqarpugut sulisut sulisitsisullu iliornitsitut taamatut sakkortutigisumik malittarisassiuussinnaanngikkigut.
Takusinnaavarput sulisut avataaneersut pillugit sukaterineq sulisussaaleqinikkut, ilinniarsimasunik amigaateqarnikkut minnerunngitsumillu Naalagaaffeqatigiinnermut, avatangiisitsinnut il.il. takutitsinitsigut qanoq kinguneqartitsisoq.
Sulisut maanga nuuttut tikilluaqqusaaginnanngillat kissaatiginaannaratillu, siunissamili atugarissaanissatsinnut pisariaqartippagut.
Utoqqaat amerliartortillugit, meeqqat inuusartut ikiliartortillugit, nunutsinniit nuuttat nunatsinnut nuuttunit amerliartortillugit kiisalu illoqarfinniit mikinerusuniit illoqarfinnut anginerusunut noorartoqartillugu ilinniagaqartut procentinngorlugit ikitsillugit nunatsinnut nuuttut amerlisinnissaat qulakkeertariaqarparput.
Nunatsinniiginnartutu.
Inuussutissarsiortut siusinnerusukkut nammineersinnaanerisa malittarisassiuunneqartarnerat iluatsitsiviunikuunngillaq.
Akileraaruseriaaserput pinngitsooranilu soraarnerussutisiassat ileqqaarnissaq allaffissornikkut aqukkuminaaginnanngillat aamma ataatsimiinnerup uuma immikkoortuata aappaani pinngitsaaliilluni akilissitsisarnerup atuutilersinneqarnissaa kissaatigineqarpoq – akiliisitsiniartarneq namminersortunut suliakkiutiginagu il.il.
Kissaatiginagu ”piumassutsimik” peqataatitsiniartoqarpoq, pisortat suliakiisarnerat ajornartorsiorfiuvoq. Taamaammat imaassorinarpoq inuussutissarsiutit pisortat sullississutaannik suliaqartut salliutillugu pinngitsaaliilluni piumassutsimik peqataatitsinikkut eqqorneqarput.
Arlaatigut eqqarsarpugut kommunistitoqqatut naalagaaffiliuinnarsinnaasugut. Killilersuinerit amerlavallaarput malittarisassiornerillu politikkerit qaraasaanniittut eqqaassanngikkaani isumaqanngillat.
Oqaatigeqqissavarput aaqqissuusseqqinissamik sulisullu Nunani Avannarlerni, Naalagaaffeqatigiinnermi noorarsinnaanerannik nuuttullu nunaqavissullu naligiissitaanissaannik pisariaqartitsisugut. Inuiaqatigiit tamanna pisariaqartippaat .
Taamatulli uani Naalakkersuisut eqqumaffigivallaarpasippallaanngisaannik arlalinnik ajornartorsiuteqarpoq:
1)Illoqarfinni ilinniarfeqarfiusuni ilinniartut inaat taamatut annertutigisumik amigaataatillugit ilinniartut sulinermillu misiliisut sumi najugaqassappat?
2)Ilinniartut sulinermillu misiliisut inuttut atukkatigut ajornartorsiuteqarneq, atornerluinermik ajornatorsiuteqarneq allanillu inuttut suliamilluunniit ajornartorsiuteqarneq pissutigalugu sulisinnaanngitsut suliffeqearfiit qanoq Iliorfigissavaat?
Suliffeqarfiit ullumikkutut atuuttunik ilinniarfinni aaqqissuussinernut isumaginnittoqarfimmiluunniit paasiniaavigineqarnissaannik taakkuninnga innersuussisinnaanngikkunik peqatigitillugu isumaginninnermi allaffittut atuutissappat. Tassa pinngitsaaliissummik aaqqissuussinikkut nammineq unnammillersinnaassusiminnik annikilliliinissamut pinngitsaalineqarput. Minngerunngitsumillu: Ilinniartut sullinermillu misilisut pinngitsaalineqarluni piumassutsimik aaqqissuussineq pissutigalugu ajornanerusumik ilinniagaqassapput, tassani suliassanik pissarsiniarluni naammagineqaannartariaqarlutik.
3)Tunngaviusumik isigalugu ilinniartut internetimi suliffissarsiortarfinni pinngitsooratik suliffissarsiortarnissaat isumassarsiatsialattut isikkoqarpoq, taakkuli allannissaannut ilitsersuutit atoruminaatsutut isikkoqarput. Sulinermik misiliinermi suna qulakkeerneqassava? Ilinniartut tassani qinnuteqaateqanngippata SU-at peerneqassava?
Inuussutissarsiortut sooq sulinermik misiliisumik ilinniartumilluunnit sooq atorfinitsitsinerminnik soorlu taamaaliunnginnermik nalunaarusiortussanngortinneqarnerminni allaffissornerat annertusitinneqassaaq.
Isumaqatigaarput pisariaqartitsisoqarnerani ilinniarfiit suliffinnut pisariaqartitsiviusunut ilinniartitsinissaannik kajumissuseqartitsinnneqartariaqartut, kisiannili inuussutissarsiortut akiligassaannik suliniuteqarani ilinniarfinni suliniuteqarnikkut tamassuma qulakkeernissaa pitsaanerunngila?
Taamaatiinnartutut isikkoqaraluttuinnarpoq. Ilinniarnernut piumasaqaatit siullermik appartinneqarpat, taava inissiat naammanngillat, taava perorsaasut ilinniartitsisullu naammattunik akissarsiagissaarnissaat qulakkeerneqarsinnaanngilaq aamma ilinniartut inaat amerlisarneqarsinnaanngillat kiisalu pisariaqarfiani inissiat amerlisarneqarsinnaanngillat.
Akerlianik inuussutissarsiortunit sulisunik aallartoqarpoq, aningaasanik taakkuninnga aallertoqarpoq, pisortanut nalunaarsuinernik suliaqartussanngortinneqarpuq – sumut iluaqutaasumik? – siunnersuutillu alap malinnissaanut pinngitsaalineqarlutik.
Aamma pisortani sulisut smileymik aaqqissuussinermik aqutsisinniarneqarput. Ila, sooq nukigut immikkuualuttunik aaqqissuussinernut atussavagut?
Siunnersuut aamma suliassanik neqeroorfigisinnaasaannik ersarissorujussuarmik agguakkanik imaqarpoq; piumasagut malissigit, taamaaliunngikkussi suliakkerneqassanngilasi. Imaanngila tamanna toqqusassinerulaartoq?
Kajumissuseqartitsinissaq pitsaanerunngila, ajornartoorfigullu iliuuseqarfigalugit? Taamaaliornikkut pitsaanerungaartumik sulisoqassaaq.
ilinniarfiit namminneq ilinniartut inaanni inissat, ilinniarfinni inissat, siulliullugu kingulliullugulu suliffeqarfiit ilinniarfissat allappaat.
Ilinniartut sulinermillu misiliisut naammattumik pitsaassuseqarpata – tassa pitsaasumik ilinniartinneqarpata piareersarneqarpatalu, sulilersinnissaat ajornartorsiutaasariaqanngilaq.
Ilinniartitsisut, atortut, init ilinniartitsiviit, ilitsersuisartut il.il. amigaataanerat unai oqaatigineqarpoq, iluarsiivigalugit aallartissutigisinnaasagut.
Taasiullugu uani siunnersuuteqarpugut ilinniarfinni pitsaassutsit suliniutiginissaat, inuusuttunik sulisinnaassusiinillu nalilersuinssat aalajangissagigut – soorlu sulinermik misiliinnginnginneranni ilinniartunngunnginnerannilu makissinnaanneq, inuttut atukkatigut ajornartorsiutit, atuarfinni piginnaasat.