Ukiorparpassuarni iluarsaanissanut aningaasanik naammattunik immikkoortitsisoqarnikuunngilaq sukassusissaatullu pilersaarutigineqartutut sanaartornissat pilersaarusiornissaat sanaatornissallu piviusunngortinneqarnissaat qulakkeerneqarnikuunani.
Inissiaateqarnep ajutoorfiunissaa ukiuni qulikkaani mianersoqqussutigineqarnikuuvoq.
Iluarsartuussinnnginneq, oquujaanermik ilisimasaqannginneq, nutaanik sanaatornernik nakkutiginninnginneq pisariaqartitsisoqarnerani inissialiorneq pillugu pitsaasumik, paasinartumik amerlasuunit isumatigiissutigineqarnissaata qulakkeerneqarnissaanut piumassuseqannginneq, inissiaatitta nutarterneqarnissaannut pinngitsoortitsipput.
Salliutilllugu inissiat inigineqarsinnaasut peqqinnartullu, oqoqanngitsut, sanaartukkat toqunartoqanngitsut il.il. atorfissaqartinneqarput. Issittumi sanaarnermut malittarisassat malinneqarajuttarput, tamatiguunngitsorli sanaartornerit iluarsaanerillu ajorluinnartuunernik kinguneqartumik
Nakkutilliineq naammattumik pitsanngorsarneqarnikuunngilaq, inuussutissarsiutit immikkoortuanni tamatigut suliassaqarpallaalersoqartarpoq, ilaatigut sulisussaaleqineq pissutigalugu, ilaatigut piffissap sanaartorfissap sivikinnera pissutigalugu, ilaatigut malittarisassat naleqqutinngilluinnartut politikerit atuutilersitaat pissutigalugit. Assersuutigalugu pinngitsoorani ilinniartunik sulinermik misiliisunik sulisoqarnissaq sulinermik misiliisut suliamik ingerlatsinissamut piukkunnartuunersut nalilersornagu.
Inuussutissarsiutip immikkoortuani nammineq aalajangiisoqaqqusaanngilaq, politikerit tamalikartumik pingaarnersiuipput
Inuussutissarsiutit immikkoortuanni pisariaqartitsisoqarfiani avataaneersunik sulisussasioqqusaanngillat. Tamassuma kinguneraa sanaartornerni assigiinngitsuni taakkualuunniit ilaanni inuussutissarsiutit immikkoortuanni suliammilluunniit ingerlatsinermi aalajangerneqartartunik ajornartoortoqartarnera.
Tamanna kinguaattoortoqarnera pissutigalugu sanaartukkat akisunerulernerannik kinguneqartarpoq, inuussutissarsiutip immikkoortuani imminut akilersinnaanersoq nalugamikku pisortat sanaartortinniagaannik immaqa neqerooruteqannginnerannik kinguneqartarpoq.
Immikkoortorpassuit nutaanik sanaatornermi, taarsiilluni sanaatornerni inissianillu pigisani iluarsartuussinissamut pilersaaruteqapajaarnissaq qulakkeerniarlugu ataatsimut ingerlatsiviuneq ajorpuq. Malugalugu illuarsartuussisoqarpat ajornartorsiuteqarunnaartoqartartussaasoq, assersuutigalugu sueq, oquut illullu iluini silaannaq ajortoq.
Nuummiinnaq inissiamik utaqqisut amerlalluinnarput Inatsisartunilu ilisimasaqarata inuussutissarsiutit immikkoortuannut inatsisinik aalajangersakkanillu atuutilersitsisarpugut, maannakkullu takusinnaavarput naalakkersuisooqatigiit tamakku atorunnaarseqqinniaraat. Tassa sulisunut nunatsinnut nuuttunut killilersuutit.
Ullumikkut ajornartorsiutigisagt iliuuseqarfiginiarlugit tamatigoornerusunik inatsiseqarnissaq PISARIAQARPOQ, inissaqarnissallu siulliutinneqarnissaanik tunngavik innuttaasunut tamanut atuutilersitsinissarput pisariaqarluinnarpoq, aamma ullumikkut angerlarsimaffeqanngitsunut 1.000-it sinerlugit amerlassusilinnut. Tamanna illoqarfinni anginerusuni atuuppoq.
Nunaminertanik atugassiisarnernik sukkanerusumik suliaqartarnissaq avataaniillu aningaasaleerusuttunut qujanaq
Avataanit aningaasatigut piginnaasaqarluartunik aningaasaliisitsiniarnissamik qulakkeerinnissutaasunik pitsaasunik allanngoraqattaartinneqanngitsunik inatsiseqartariaqarpoq, soorlu soraarnerussutisiaqalernissamut aningaasaateqarfinnit aningaasaateqarfinniillu pitsaasunik sanaartornernut aningaasaleriisuttunit, taamaalillunilu sanaartortukkat assersuutigalugu Namminersorlutik Oqartussat ukiut arlallit qaangiunneranni tunniunneqarneranni aamma soorunami aningaasanik pissarserusuttunik.
Malittarisassat utertitsinissamut sooranalumi inissianut akitut aalajangerneqartut illlersorneqarsinnaasut atorlugit aningaasaliisoqarsinnaasariaqarpoq aningaasaliisoqarlunilu.
Aningaasaliisut avataaneersut nunatsinneersullu. Piffissaq tamakkuninnga sulinniarfik SUKKANERUSUJUSSUUSARIAQARPOQ aamma inissaaleqineq sanaartornermilu ajornatoorfik maannakkutut annertutigitillugit avataanit suliffissarsiortarnermut killiliissutit ikinneerakasiusariarput.
Aamma aningaasat ilinniartut inaannik inissianillu sanaartornernut Aningaasanut inatsimmi ikkoortortinneqartut atugassanngortinneqartariaqarput sanaartornerlu aallartillugu.
Oqut pissutsillu allat innuttaasunik napparsimalersitsisarput sulisinnaajunnaarsitsisarlutillu.
Tamakku iliuuseqarfigissavagut immikkoortumilu assigiinngitsunut tunngasunik isumatusaartumilllu suliniuteqarneq tunngavigalugu annertuumik suliniuteqartariaqarluta.
Siusinnerusukkut Inatsisartuni polikeriusimasut Naalakkersuisuusimasullu naammattumik pingaarnersiuisimannginnerat allaavoq.
Siamasissumik isumaqatigiissuteqarnerat, isumatusaarneq pissiviiillu malullugit inatsisiliorneq amigaataapput.
Suleqatigiissutsisut politikerit imminnut amerlanerusunik iluaqutissarsinnginneranni tamanna PITSANNGORSARTARIAQARPAPUT PITSANNGORTILLUGULU. Inissiaatigut pillugit ersarissumik piviusorsiortumillu pilersaaruteqartoqartariaqarpoq.
Inissiaateqarneq AJUTOORFIULLUINNAREERPOQ.