Kalaallit Nunaata naalakkersuinikkut aningaasaqarnikkullu namminersortup isertitsivissat nutaat pisariaqartippai. Aningaasatigut isertitat, piitsunut tunissutaanngitsut. Suleqatigiissitsisut taamaammat Partii maannakkut Naalagaaffeqatigiinnermi kaasarfimmiussaannaat pineqanngitsut, kisiannili suleqatigiinneq, ataatsimooqatigiinneq illersorneqarnerlu.
Qinikkat qineqqusaarnermi oqalukkaangata tusartuartarparput neriorsuutimik aningaasalersornissaat takutissinnaanngikkaat. Oqartarput aningaasat kisimik apeqqutaanngitsut. Piviusorli tassaavoq Kalaallit Nunaat naalakkersuinikkut aningaasaqarnikkullu namminersortoq taamaallaat piviusunngortinneqarsinnaasoq Danmarkimiit ataatsimut isertitanik kiisalu inatsisilerinermi aningaasartuutinik aamma nunat allanut illersorneqarnermilu suliassatsinnik milliartikkaanik taarsiisinnaasunik nutaanik piujuartunik isertitaqalerutta/isertitaqarsinnaagutta.
”Sunik tunisinnaavigisut” Pele Broberg Partii Naleqqameersoq aperivoq. Taanna Trumpimut apeqqutaavoq. Partii Naleraq illuatungaatigut oqarpoq Kalaallit Nunaat tuniniagaanngitsoq, illuata tungaanili Trumpi aperaat tunineqarunik qanoq akileerusunnersoq. Tamanna nuanniitsuuvoq, piviusorsiortuunngilaq ajoraluartumilli ilimagisariaqarluni.
Partii Nalerarli aamma nersugassaavoq. Nersorneqatariaqarput parteerpassuit namminersulivikkusuttut ilaattut erseqqarissumik oqariartuuteqarmat. Partiit namminersulivikkisuttut allat nipaalluinnarnikuupput.
Maannakkut pisut Kalaallit Nunaata namminiilivinnissaata anguniarnissaanut atorluanngilaat. Immaqa qunugivikkamikku, tassami takusinnaagamikku atugarissaarnerput ajalusoorluinnartuusussaasoq.
Naggataatigut minnerunngitsumillu tulliani allanik qineqqusaarutissaqannginnamik.
Suleqatigiissitisut Partii Naleraq eqqaasikkusippat ataatsimut tapiissutit ataatsimut tapiissutaaginnaanngitsut. Ataatsimut tapiissutit Kalaallit Nunaata Danmarkillu imminnut atanerpassuinik aningaasaqarnikkut malunniutaapput. Kalaallit Nunaata ullumikkut inuusuttut piginnaasaqarluartut Danmarkimi ilinniarfinnut assigiinngitsunut ilinniariartortittarpai. Tamanna akeqanngilaq. Partii Naleqqap Kalaallit Nunaat Trumpimut tunippagu taamatut periarfissaarutissaagut.
Taamaattoqarpat ilinniarnerit taakku nammineq akilertalissavagut, tamannalu isumaqavippoq kalaallit inuusuttut amerlanerusut ilinniagaqartilerusunngikkigut. Tamanna kanngusunnarpoq Partii Naleqqallu tunnganit inuiaqatigiinnut ajoqutaasumik politikkiulluni.
Kalaallit Nunaannit tamanna akigerusupparput?
Peqqinnissaqarfik pillugu taamatorluinnaq allassinnaavugut. Napparsimasorpassuit Danmarkiliartittarpagut. Trumpip USA-niilerutta taamaaliorsinnaanngilagut. Partii Naleraq, taava inuit aqqusinermi toqutiinnartassavagut? Inuiaqatigiit tamanna pillugu akisariaqarpasi. Suleqatigiissutsisuniit erseqqissassavarptu Kalaallit Nunaat tuniniagaanngitsoq! Naamerluinnaq!
USA iligaarput. Ilerput pingaaruteqartoq piginnaasaqarluartorlu. Iligiit ikinngutillu imminnut tunineq ajorput. Piviusuuvoq. Iligiit suleqatigiittarput.
Tamanna sammerusupparput. Kalaallit Nunaat USA-lu sutigut suleqatigiisinnaappat?
USA-p aamma Kalaallit Nunaata akornanni ataqatigiinerit annertusarnissaannut periarfissarpassuaqarpoq. Kisianni tunineqarnikkut tamanna anguneqarnavianngilaq – Pele Brobergillu kissaatigilluinnagaatut kalaallit tarniisa tunineratigut pinavianngilluinnarluni.