Oqaatsinik ilinniarneq, efterskoleriarnissamut periarfissaqarnissaq aamma nunanut allanut aallarnissamut
Meeqqanut inuusuttunullu nunanut allanut nunanullu avannarlernut programmit nukittorsarniarpagut. Taamaasillutik nunarsuarmi sumiluunniit atuarsinnaalissapput, efterskolersinnaalissapput inuusuttut immmikkut pilerigisaannik neqeroorutilinni aamma taamaasilluta qularnaassavarput inuusuttut nammineq aalajangikkaminnik ilinniarsinnaalernissaat. Aamma isumaqarpugut nunatsinni sulissutigisariaqaripput efterskolit højskolillu pitsaasumik kalaallisut, danskisut tuluttullu pikkorissaanissamut neqeroorsinnaasariaqartut, taamaasillutik inuusuttut inersimasullu atuarnerminni oqaatsinik ilinniarsinnaalersillugit. Imminut paaseqatigiinnerulerneq pilissaaq højskolinut ilinniarfinnullu isersinnaanngoraanni. Suliaavoq Inatsisartunut ingerlateqqitassarput.
Meeqqat inuusuttullu imminnut upperisariaqarput
Folketingimi sulissutigisinnaavagut Danmarkimi nunanilu allani inuusuttatsinnut programmit pitsaasut annertuullu. Sulissutigisinnaavarput kalaallit illuisa angajoqqaanngorsianngorsinnaanermut ilitsersuisunngorsinnaanermullu programminik peqalernissaat aamma nunatsinni aamma sulissutigissuarput inuusuttatta piginnaaneqarluarlutik nunarsuup sinnerani inooqataalersinnaanissaat. Pingaaruteqarpoq inuusuttatta Naalagaaffeqatigiinni suliniutinut peqataasarsinnaanissaat, tamakku amerlanertigut nunani avannerlerni periarfissiissutigineqartarput aamma pingaaruteqarpoq inuusuttatta ilinniarluarsimasunngornissaminnut takorluuilersinnaanissaat imminullu upperilerlutik. Nunanut allanut angalalluni tuluttut ilinniarnissaq periarfissaasariaqarpoq aamma atuarnissaq. Oqaatsit pillugit assortuuterusaartuarnerput ingittariaqarparput. Kinaluunniit inuussanngilaq kalaallisut, danskisut tuluttulluunniit ilinniarnissaminut periarfissaqarani. KInaluunniit mattunneqassanngilaq oqaatsillu pillugit qinngasaarneqarani kikkunnut tamanut neqeroorutaassaaq oqaatsinik ilinniarnissaq. Kalaallisuinnaq danskisuinnarlunniit oqaaseqaraluaruit nunatsinni tikilluaqqusaajuassaatit aamma sakkunik ataqatigiinnermut misigisimalersitsisunik tuniorarneqartariaqarputit, nunanut allanut angalasinnaasariaqarputit oqaatsillu ilinniarusutatit ilinniarlugit, illit nammineq kissaatigisat naapertorlugu ilinniagaqarsinnaalerniassagavit.
Kalaallisut naalakkersuisuusarsimasut kukkusumik politikkeqarsimanerat pissutaalluni amerlaqisugut kulturitta ilarujussua annaasimagatsigu
Danskisut Ilinniarnissamut aqqutaammat ilaqutariittullu qilerutitsinnik piuinnartitsilluni aamma Kalaallit Nunaanni inuppassuit kinaassusaannut ilaammat – danskiusunut imaluunniit akusanut.
Tuluttut meerartatsinnut inuusuttatsinnullu periarfissiimmat internettimik atuisinnaanernut, nunarsuup sinneranut isumaqatigiinniartarnissamut aamma nunarsuup ilarujussuani angalasinnaalernissamut
Oqaatsit eqqarsaatigalugit imaassanngilaq – ikittunnguit kisimik arlariinnik oqaaseqassasut sinnerilu ikittunnguanik pisaanermik tigumminnittunik isumalluuteqarlutik nutaarsiassanik nutserussissartussanik. Oqaatsit tassaapput demokrati, ilisimasat aamma pissaaneq.
Suleqatigiissitsisuni isumaqarpugut pissaaneq inuiaqatigiinnut tamanut siammartariaqartoq ikittuinnannguanut agguaannagu. Tassa Demokrati.
Tigussaasut aallarteriarfissat:
Kalaallit Illuutaanni ilaqutariinnut atuarnissamullu suliniutinut amerlanerusunik aningaasaliisoqassaaq. Iluatsitsilluarnikuupput kalaallinut efterskolertunut, angajoqqaarsianut il.il. siunnersortinik aggertitsisarlutik.
Pisariaqartippaat siunertanut taamaattunut amerlanerusunik aningaasaliisoqarnissaa aamma orniguttarluni suinernut siunertaralugu atuartut ingerlaannartinniartarnissaat, kalaallinut meeqqanut inuusuttunullu atuartunut aaqqissuussinerit nalilersortuarnissaat aamma paarlaasseqatigiittarnernut