Danmarkip Kalaallit Nunaat, kommunillu suleqatigalugit nunaqarfinni illoqarfinnilu ulorianartorsiorfiusuni politiit amerlisariaqarpai. Assersuutaalluarsinnaavoq Tasiilaq aamma soorlu Qaanaaq illoqarfiillu allat pisariaqartitsiffiusut.
Nunarput tamakkerlugu meeraqarpoq ulorianartorsiortuni.
Oqaatigineqarpoq:
Meeqqat naamaartartut. Meeqqat akornanni haship ajornartorsiutaanera alliartortoq. Imminut toquttartut allaat ukiukittuaqqat akornanni amerliartorput. Inuusuttut pinerluttartut amerliartorput sumiiffinni inuttut ajornartorsiorfiusuni. Innuttaasut nalunaaruteqartut siorasaarneqartarput. Politiit misissuisariaqarpoq iliuuseqarlutillu kommuninut nalunaarutit iliuuseqarfigineqarsimanngitsut pillugit. Malunnarpoq tamakku tamarmik pisariaqartikkaat illoqarfinni nunaqarfinnilu inuttut ajornartorsiorfiusuni sulisut amerlisariaqartut.
Meeqqat imigassamik ajornartorsiuteqarneq, sumiginnaaneq, hashimik atornerluineq, naammartarneq, pinerluttarneq, eqqissiviilliornerit, meeqqat pillugit nalunaarutit, pinaveersaartitsilluni angalasarnerit aamma innuttaasut nalunaaruteqartut unnerluussisullu illersorneqarnissaat pineqartillugit tamatigut iliuuseqartariaqarpugut.
Inunnik isumaginninnerup peqqinnissaqarfiullu iluíni sulisoqarneq pillugu Danmarkip suleqatiginera piffissap sivikinnerusoq isigalugu iluaqutaangaatsiarsinnaavoq.
Folketingip eqqaareernikuuaa aningaasaleeqataaasinnaalluni, inunnik isumaginninnerinnarmut atugassanik kiisalu sulisoqarnermut. Tamanna ilassilluartariaqarparput.
Akissaqanngilagut utaqqeqqissalluta.
Tamanna ikiuinissamut neqeroorut tigussaasoq ilassilluartariaqarparput. Allanik aamma saqqummiussiumaarpugut.
Tunuliaquttanut linkit ilapittuutit:
Dundas pillugu isumaqatigiissut
MEMORANDUM OF UNDERSTANDING – USA, Denmark & Greenland, Article IV:
“Danish/Greenlandic authorities undertake to ensure necessary policing of Dundas, including, if necessary, by police forces supplementing the local police on short notice. The Danish/Greenlandic authorities shall ensure regular patrol activities in and surveillance of Dundas, and, if appropriate and for a limited period of time, relevant checks of incoming aircraft and passengers.”
Meeqqat illersuisuata angalanerminit nalunaarusiaa, Qaanaaq:
https://www.kamikposten.gl/wp-content/uploads/2018/10/2018_10_Qaanaaq_DK_Print.pdf
DR’-p Tasiilaq pillugu piviusulersaarutaa.
MIO’p Kalaallit Nunaanni tamarmi iloqarfinnut angalanerminit nalunaarusiaa.
Kommunit nakkutilliinermut atatillugu tikeraarnerat, Namminersorlutik Oqartussanit nalunaarutit 2015-meersut.
