Una siunnersuut partiit ilaannit akueriuminaatsinneqagaatsiarpoq. Siunnersuutip piviusunngortinnissaanut immikkut ittumik allaffissornikkut aningaasaleeqqittoqarnavianngilaq nalunaarsuinerit qaammatikkaarlugit suliarineqartuaannarmata. Ataatsimiisitaliamut aamma ingerlatinneqarsimasuuppat siunenrsuutit allat periarfissatut nutaatut ammaffigigaluarpavut. Kisiannili naamik, siunnersuut itigartinneqarpoq. Siunnersuut piviusunngortuuppat aningaasanik atuipilunnerit pinaveersaartinneqassagaluarput, taamak iliortoqarpallu piffissaq eqqorlugu paasineqarsinnaagaluarlutik unitsinneqarlutillu. Taamattaaq suliat paasissutissatut piniarnerinnut aningaasartuutit sipaarfigineqassagaluarlutik.
