Isumassarsiatsialaanngilaq sinneqartoorutinik agguagarsiat kiffartuussinerunngitsumut imaluunniit teknologimik nutarterinerunngitsunut imaluunniit ingerlatseqatigiiffiit tunniussisut atortuinuunngitsoq atorneqassappata, pineqarmatami ingerlatseqatigiiffiit tunngaviusumik Namminersorlutik Oqartussanit pigineqartut.
Atorneqartariaqarput inuiaqatigiit aningaasarsiorneranni akilersinnaasunut imaluunniit suliniutinut iluaqutaasussanut aningaasaliissutitut tassunga ilaatillugit ilinniartitaanernut, pinaveersaartitsinernut, peqqinnissaqarfimmut iluarsartuussinernullu aningaasaliissutissat.
2017-mi, 2018-mi aamma 2019-mi TELE-p, Royal Greenlandip aamma Mittarfiliortiternernut atatillugu akileraarutitigut sinneqartoorutit, Sanaartornermut aserfallattaaliinermulllu aningaasaateqarfimmiit utertitat Namminersorlutik Oqartussat tamakkiisumik ilaannakoortumilluunniit pigisaanneersut, Landskarsip Naatsorsuutaanit sinneqartoorutit, PFA Soraarnerup matunerani “sinneqartoorutit” il.il. Kalaallit Airportsimut aningaasaliissutitut atorneqassapput.
Tasunnga ilanngutissuagut illuutit, teknikkikkut pigisat, sorpaalussuarnut akitsuutitigut isertitat – allarpassuillu.
Kollegialiortiternissat, innuttaasuut inissaat, plejehjemmit aamma allat kinguarsarneqassapput aamma innuttaasut kiffartuunneqarnerinut aningaasaliissutissat pisinnaajunnaassappput, taamatullu peqqinnissaqarfiup, atuarfiit, inunnik isumaginninnerup – kiisalu kommunit aningaasaliissutinik nuutitseqattaarnerit naammagiinnartariaqassavaat.
Eqqumiikkaluassusia aningaasarpassuit – milliuunilikkaat – mittarfiliortiternut nassaarineqapallassinnaammata , aningaasalli nassaarinissaat ajornarlutik inissiat oquttut inuit angerlarsimaffiisa suliffigisaasalu iluarsaannissaannut, meeqqanut inuusuttunullu ulorinartorsiortunut, inunnik isumaginninnermut imaluunniit ilinniartitaanernut.
Paatsuullariaanasi. Aningaaseriviusinnaasunnguit tamarmik imaarneqarput mittarfiit akisoorsuit akissaqartikkumallugit, naak akilersinnaanngikkaluartut, VVm-mullu misissuinerit siunissamullu qularnaarinerit isumagineqarsimanngikkaluartut. Taamaallaat pivarput kikkut tamaasa erisarlugit annaagarujussuarmik akileraartitsineq., qoqassiilluni aaneqartunik. NO wonder, inuit soraarninngornissaminnut namminneq immikkut naak akilersinnaanngikkaluartut, VVm-mut misissuinerit siunissamullu qularnaarinerit isumagineqarsimanngikkaluartut. akiliisariaqarput, naak siusinnerusukkut tamakku akileraarutitigut akilerneqartaraluartut.
Minitaqanngilluinnarlutik kikkut tamaasa kikkut tamaasa akileraartippat, ersinngitsuusaamilli. Innuttaasut paasisimagunanngilaat akileraarutitik aamma kiffartuussinernut aningaasaliissutit ukiuni makkunani sunut atorneqalernersut, aningaasat ingerlatseqatigiiffinneersut kiffartuussinernut atorneqarluarsimasinnaagaluartut imaluunniit innuttaasunut aningaasaliissutaasimasinnaagaluartut imaluunniit suliniutinut akilersinnaasunut atorluarneqarsimasinnaagaluartut allarluinnarmut tulerput.
Aningaasartuutit tamarmik, ataasiartumik sinneqartoorutit, sinneqartoorutinik agguagarsiat tamarmik mittarfinnut atorneqalerput. Atuaannariuk Aningaasaliissutaareersunut ilassutissanut inatsitsimmut oqaaseqaatit imaluunniit aningaasanut inatsit atuaqqissaalaariuk. Kanngunaqaat. Taamaattuminguna sanaartornissanut pilersaarutit saqqummiunneqartut itigartittariaqarsimagigut.