Inatsisartut Suleriaasianni § 37 imm. 1 naapertorlugu Naalakkersuisunut apeqqutit imaattut matumuuna saqqummiuppakka:

Naalakkersuisunut apeqqutit:

  1. Naalakkersuisut qanoq isumaqarpat danskit ministeriunerat oqarmat Kangerlussuaq aammatiinnarniarlugu?

    2.  Naalakkersuisut qanoq iliorlutik illersorsinnaavaat Kangerlussuarmi, Nuumi Ilulissanilu mittarfiit allinissaat aserfallattaalinissaallu pissutsit piulersut aallaavigalugit? Aamma aningaasarparpassuarnik taarsigassarsisariaqarnissaq eqqarsaatigalugu?

    3. Innuttaasut kiisalu partiit qanorilillutik naatsorsuutigisinnaavaat peqataatitsisoqarumaartoq ammasumillu ingerlatsisoqarumaartoq Sakkutooqarfiup Kalaallit Nunaanni ingerlatai pillugit suleqatigiisitaliortoqarnissaa eqqarsaatigalugu soorlu tusagassiutinit oqaatigineqartoq?

    4.  Kangerlussuaq Sakkutooqarnerlu pillugit suleqatigiisitap suliai qaqugu naammassineqassagatinneqarpat?

    5.  Kangerlussuup ammaannarnissaa nutaarsiassaniimmat paasinarsivoq aningaasaliissutissarpassuit taamaasillunilu nunap akiitsortinnissarujussua tunngavissaaruttoq. Kangerlussuaq iluarsaanneqartariaqartussaavoq sakkutuut tassaniittut piumasaqaataat pisariaqartitaallu  piviusunngortinneqassappata, mittarfiliortiternissanullu immikkoortup suliarineranut atatillugu atortussani qaqinneqartuni tagginneqarpoq mittarfik naannerpaajussaguni 2810 meteriussasoq Kangerlussuarmi iluarsaanneqartussaavoq sakkutuut Naalakkersuisut isumaat naapertorlugu tamanna mittarfiliortiternissanut aalajangernerup allanngortinnissaanut tunngaviusinnaanngila aamma soorlu nunami maani mittarfiit minnerusut allinissaannut millinissaannulluunniit, soorlu 2015 Inatsisartuni aalajngiunneqartutut taamaasilluni Kangerlussuaq ingerlatiinnarlugu atlantiku qulaallugu timmisartorsuarnut mittarfittut?

Taamasillunilu nunatsinni timmisartuussinerit sipaarfigalugit aamma ingerlatseqatigiiffiit nunatsinni timmisartuussisartut nunatsinni mittarfinnik minnernik atuisartut assigiissarnissaat aqqutigalugu?


Tunngavilersuut:
Silaqanngitsuliorneruvoq atlantiku qulaallugu timmisartunut pingasunik mittarfiliornissaq, ksianni tassa saqqummiunneqartut naapertorlugit taammattussaarpasippoq.

Suleqatigiissitsisuni isornarluinnaqqissaartutut isigaarput mittarfiliortiternissat akuerineqariillartullu ajorsinnaasut puttussuutilermata.

Pissutsit arlallit uangut nammineq tikkuartorpagut oqaluttarfimmiit Ukiaq Ataatsimiikkatta mittarfiliortiternerup oqaluuserinerani aamma § 37 naapertorlugu apeqqutit aqqutigalugit ersarissaatitsiniarsarigaluarpugut, iluatsitsivallaaratali.

Uangutsinnut eqqumiippoq Kangerlussuummi matunissaa tunngavilersuutinut ilaavoq mittarfiliortiternerit akilersinnaanerulaalersinnaanissaannut. Taamaattumik uangut isumarput naapertorlugu nunamut matumunnga akikinnerpaasussaavoq aalangerneq allanngortinneqartuuppat.

Uangut isumarput naapertorlugu allaanngilaq pinngitsaaliilluni aalajangiititsiniarsarisoqartoq naak akilersinnaanerulaalaarnissamut aallaqqaataani tunngavilersuutigineqartut maannakkut atorsinnaajunnaaraluartut.

Apeqqutit sukkanerpaamik akeqquneqarput aamma kingusinnerpaamik ullut sulliviit naliginnaasut qulit qaangiutsinnagit.