Inatsisartut Suleriaasianni § 37, imm. 1 naapertorlugu Naalakkersuisunut ima apeqqutearpunga:
Naalakkersuisunut apeqqutit:
1. Naalakkersuisut siusinnerusukkut Huaweimik immami kabelip suliarineqaneranut atatillugu suleqateqarsimanertik – kiisalu modemit Huaweimeersut Kalaallit Nunaanni atorneqartut pillugit isumakulunnartoqartinngilaat?
2. Naalakkersuisut Kalaallit Nunaanni nalunaarasuartaaserisoqarfiit pisoqaratarsinnaaneranik naliliisarnissamik, Danmarkimi inatsimmut assigusumik, inatsisiliortunit peqqussutigineqarsinnaasumik ulorianartorsiutaasinnaasunik aalajangersimasunik ilanngutsitsilluni aammalu peratarsinnaasunik killersuutaasut pillugit pilersaaruteqarpa?
Tamakku kissaatigineqanngippata, tamanna sumik peqqutearpa?
3. Naalakkersuisut PET aamma FET suleqatigalugit Kalaallit Nunaanni sillimaniarnikkut putut ataatsimut qanoq isikkoqarnersut pillugit, sillimaniarnikkut ulorianartorsiuutaasinnaasut nalunaarasuartaateqarnitsinnut tunngassuteqartut pillugit kiisalu nunap peratarsinnaasunut nalilersornera, minnerunngitsumillu Inatsisartut Naalakkersuisullu attaveqaqatigiinnermi, nalunaarasuartaateqarnermi internetikkullu sillimaniarnermi inissisimanerat?
(Inatsisartut ilaasortaq, Tillie Martinussen, Suleqatigiissitsisut)
Tunngavigineqartoq:
Ilinniartitaanermut, Kultureqarnermut, Ilageeqarnermut Nunanullu Allanut Tunngasunut Naalakkersuisup Naalakkersuisut internetikkut nittartagaanni silaannarsuarmi attaveqaatit pillugit sillimaniarneq, silaannarsuarmi attaveqaatit pillugit ulorianartut aamma digitaliseriinermi periusissiaq pillugu allagaa nuannaarutigalugu atuarsimavarput.
Kalaallit Nunaata digitalimik ingerlatsinermi siuttunngornissaa Suleqatigiissitsisut kissaatigaat.
Danmarkip nunallu allat qaninnerusumik suleqatigilersimanerat nuannaarutissaavoq kiisalu PET-mik – Politiit Isertortumik Paasiniaasartuinik – kiisalu FET-mik – Illersuisut Isertortumik Paasiniaasartuinik – suleqateqalersimaneq nuannaarutigaarput.
Tamakku pillugit Naalakkersuisut nersualaarusuppagut.
Taamaattorli tupiusuutigaarput, uagut attaveqaqatigiissutitsinni Huaweimik atuinngitsugut oqaatigineqarmat, tamannalu sangutitsineruvoq. Huaweimik atortut sillimaniarnermut ulorianartorsiortitseratarsinnaanerat oqaatsimik ataasinnguamilluunniit taaneqanngillat. Tamanna Naalakkersuisut namminneerlutik inuiaqatigiinnut nassuiaatigisariaqarpaat, kiisalu nunap aqutsisuinut – kisianni Huaweip atorneqannginneragaaneranik oqarneq tupigusuutigaarput. Taamaassoreqqissaarparpummi.
Taamaattumik apeqqutit ukua qulaajaassutaassapput.
Naggataatigut minnerunngitsumillu sillimaniarnerup sukateriffigineqarnissaanut siunissamik qanoq pilersaaruteqartoqarnersoq apeqqutigerusupparput.
Digitaliseriineq annertunerusoq, IT-mik siammarterineq kiisalu Kalaallit Nunaat digitaliseriinermi siuttutut tapersersorpagut – kisianni soorunalimi suliassaqarfimmi piginnaasat kiisalu sillimaniarneq isumannaatsuussapput.
Taamaattumik apeqqutit uku apeqqutigineqarput.
Apeqqutit piaarnerpaamik, sivikinnerpaamillu ullut suliffiit qulit iluanni akeqqunearput.