Inatsisartut Suleriaasianni § 37 imm. 1 naapertorlugu Naalakkersuisunut apeqqutit imaattut matumuuna saqqummiuppakka:
Naalakkersuisunut apeqqutit:
Naalakkersuisut pilersaaruteqarnerlutik illoqarfinni ilinniarfeqartuni amerlanerusunik kolligialiornissaminnut?
2. Naalakkersuisut pilersaaruteqarnerlutik Nuummi amerlanerusunik kolligialiornissaminnut aamma inuusuttunut inissialiortiternissaminnut?
3. Naalakkersuisut sunik pilersaaruteqarpat illoqarfinni inissamut sivisuumik utaqqiffiusariaqartartuni ilinniartut inissaqartinnissaat qularnaarumallugu?
4. Naalakkersuisut kommuninik suleqateqarnerlutik kolligiani inissaqartitsinissaq qularnaarumallugu imaluunniit nunami maani ilinniartut ilinniarnerminnut atatillugu akikitsunik inissaqartinneqarnissaat qulanaarumallugu?
5. Nalunaarusiortoqarnikuuva imaluunniit misissorneqarnikuunerluni angutit ilinnialersartut ikinnerunerannut pissutaasinnaanersoq taakku ilaqutariinnut pilersuisuusarneri imaluunniit ataatat kisermaat meeqqaminnut akilersuisariaqartarnerat assigisaannilluunniit?
(Medlem af Inatsisartunut ilaasortaq, Tillie Martinussen, Suleqatigiissitsisut)
Tunngavilersuut:
Ilinniartunut kolligiassaaleqisitsisarneq ilinniartunut ajornartorsiortitsisarnera utikattuarpoq. Sualummik illoqarfiit ilinniarfilillit Nuuttut ittut kolligiasaaleqinermik sakkkortuumik eqqorneqartarput. Illoqarfinni Nuuttut ittuni utaqqisutut allatsitssimasut, naliginnaasumik inissaaleqinerujussuaq eqqarsaatigalugu, amerlasoorujussuupput aamma aningaasaqarnerput tatineqaqqavoq ilinniarsimasunik amingaateqaratta kiisalu inissanik aamma amingaateqarluta.
Angerlarsimaffeqanngitsut amerliartortuarput aamma ilinniartut allatut ajornartumik suliffissarsiortariaqartarput ilinniaratik illoqarfinni inissaaleqiffiusuni inissaqannginneq pissutigalugu, init naliginnaasumik attartortittakkat eqqarsaatigalugit aamma init ilinniartunut tulluartut.
Kissaatigiuarparput inoqatitta ilinniarnissaat, kisianni inuit sualummillu ilaqutariit pingaarnerpaatittarpaat initaaqaarnissartik.
Nutaarsiassani saqqummeqqammerpoq inuusuttut naammattut ilinnialerneq ajortut aamma angutit arnanut naleqqiullutik ilinnialersartut ikinnerusut.
Soqutiginassagaluarpoq paasissallugu angutit qangatut nunatsinni inuusarnersut taamaasillutillu misigisimaliaartarlutik pilersuisuusariaqarlutik arnanut naleqqiullutik.
Apeqqutit akeqquneqarput ullut sulliviit naliginnaasut qulit iluanni.