Suleqatigiissitsisuni tupaallaatigeqalugu Naalakkersuisoq Aqqalu Jeremiassenip uuliasiornissaq pillugu oqaasii atuarpagut kiisalu Aningaasanut Inatsimmi 48 mio. koruunit immikkoortinneqarsimasut. Ilaatigut issuarneqarpoq oqarsimasoq: " uuliasioqatigiiffissuit aggersarumallugit sulinitsinni 48 millioner koruunit atorlugit soqutiginartunik uuliasioqatigiiffissuit oqaluttuukkusuppagut", oqaatigalugulu nutaarsiassat suut Naalakkersuisup taakkununnga apuukkusunnerai.
Aqqalu Jermiassen eqqaasilaarlara Inatsisartut Naalakkersuisunut sulisitsisuummata aamma innuttaasunut sinniisuummata Naalakkrsuisullu taakkunannga akuerineqarlutik Naalakkersuisunngortinneqartarmata. Tassa imaappoq Inatsisartut naaggaarpata, taava naaggaarnerussaaq. Allamik naamik.
Ministeritut akisussaanermik sumiginnaaneruvoq demokrati taamatut innarlerniarneqarmat. Naalakkersuisut ilumut suliaq taanna suliarisimappassuk – akuerineqaqqaaratik – uuliasiulernissarsuarmullu takorluukkatik piviusunngortinniarsaralugit, kanngunartuliornerussaaq taamaattumillu Naalakkersuisut Siulittaasuata soraarsittariaqassavaa.
Naalakkersuisulli allanngoqqinnissaat kanngunartulioqqinnissaallu pisariaqartinngilluinnaraluarpagut.
Taamaattumik, Suleqatigiissitsisuni Naalakkersuisut atorfilittaat kaammattussavagut naalakkersuisutut akisussaaffiinik, killissaanik aamma demokratimi najoqqutassat naliginnaasut pillugit kiisdalu inuiaqatigiinni demokratiskiusumi inuunermik oqaluttuutilaallaqqullugu.
Allat iliuutsit suugaluartulluunniit soraarsitaanermik kinguneqartariaqarput.
Neriuppunga pisariaqalissanngisoq.