Kalaallit Nunaanntu motorcykkilinik eqqussisinnaanngornissaq – inerteqqut peerlugu
Suleqatigiissitsisuni isumaqarpugut Kalaallit Nunaannut motorcykkilinik motorcrosserinillu eqqusseqqusinnginneq atorunnaarsinneqartariaqartoq. Qanoq sukkatigisumik ingerlasinnaanissaat malittarisassiuunneqarsinnaavoq aamma ukiup qanoq ilinerani sunik malittarisassaqassanersoq oqaloqataaffigerusupparput.
Aamma oqaloqataaffigerusupparput sumi atorneqarsinnaassanersut aamma sumiiffinni illulinni atorneqarsinnaassanersut il.il.
Uanili apeqqummi inuit kiffaanngissuseqarnissaat pingaarnersaavoq aamma isumaqarpugut pisuusaanerusoq biilinik dieselitortunik, qamuteralannik allanillu mingutsitsivissortartunik eqqussisinnaateriarluta motorcykkilit inerteqqutigineqarmata.
Sukkassutsimut sillimanissamullu peqqussutit malitsinniarneqassapput soorunami kisianni siunnersuut qaqeqqikkusupparput.
Soorunami misilitsiffissanik sanasoqartariaqassaaq kisianni ajornartorsiutaasariaqanngitsoq isumaqarpugut soorlu kommunip suleqatigineratigut pilresitsisoqarsinnaasariaqarpoq. Aamma ajornartorsiutaasariaqanngilaq pilersitsinissaq nunatsinni inissarsuarmik ulikkaarmat aamma sioqqanik asfaltimilluunniit qallikkamik sanasoqakuttoorsinnaavoq. Kisianni Kalaallit Nunaani nunap immikkoortortaani taamaallaat sananeqarsinnaassapput immaqa ataatsimi marlunniluunniit, allatullu ajornartumik tamanna naleqqussarfigisariaqassavarput.
Akisussaassuseqarluta kiffaanngissuseqassaagut
Paasissutissat. Motorcykkilit imaattut piupput:
A 1 – Motorcykkileerannguaq (0-15 hk, 0-125 ccm).
20-nik ukioqalereersimasut kisimik pisisinnaanissaat takorloorparput.
A 2 – Motorcykkili akunnattumik angissusilik (0-48 hk, killeqanngitsumik kubikilik annerpaamilli 96 hk-qartussaq)
Tassani pisisinnaasut 25-lereersimanissaat piumasarissavarput imaluunniit 24-t ukiuni marlunni A1-mik atuereersimangaanni ingerlatsinissamullu angusisimalluni.
A – Motorcykkili angisooq (0- killeqanngitsumik hk-lik, killeqanngitsumik kubikkilik):
Taakku Kalaallit Nunaannut eqqunneqarsinnaassanngillat, aqquserngitta misilittittarfiillu saperpaat.
Teorimi misilittittarnissat:
Isumaqarpugut kikkut tamarmik akunnerit ilinniarfissat naammassisassagaat. Tassa imaappoq minnerput akunnattumulluunniit atuisalernissamut ilinniarnermi assigiimmik ilinniartoqassaaq.
- Akunnerni 29-ni teorimik ilinniarneq
- Akunnerni 4-ni sioqqanik qallikkami matoqqasumi sungiusarneq
- Akunnerni 5-ni ingerlatsinermut teknikkimut sungiusarneq (asfaltimik qallikkami)
- Aqqusinerni akunnerni 13-ni ingerlatsinissamut sungiusarneq