Inuussutissarsiutinut ilinniarfinnut ajornartorsiutaavoq fagini ataqatigiissaagassani piginnaasatigut ajornartorsiuteqartarneq soorlu kemimi fysikimilu, amingartumik atuartitsissutigineqanngikkunik atuartitsissutigineqanngisaannarmata.
Ilinniarnissamut aamma faginut taakkununnga ilisarititsinissamut pingaaruteqarpoq, ilinniartitsisoqarnissaq faginut taakkununnga immikkut ilinniartitsinissamut ilinniarsimasunit. Ukiumi siullermi atuartut ilitsoqqussaralugu oqaasii atortariaqarput. Kingullermut tunngavilersuutaavoq, fagit pineqartut tunuaniimmat timitaqanngitsumik ilinniartitsineq taamaattumik aamma taaguuterpassuit oqaaserpassuit atorlugit nassuinarneqartartussaapput fagit eqqarsariaatsit paasineqassappata.
Inuussutissarsiutinut ilinniarfiit ajornartorsiut taanna sorsuutigeqaat, faginut/ immmikkoortup piumasaqaatai naapertorlugit annerpaamik ilinniartitsinissaq ajornartarmat.
Siunnersuutigaarput ilinniarfissuarmi ilinniartitsisunngorniartussanik tigusinermi pingaarnerutinneqartassasoq/ kaammattuutigineqartassasoq ilinniartunngortunut fagini ataqatigiissaagassani immikkut ilinniartitsisunngorniarnissaq qinertassagaat. Ajoraluartumik massakkorluinnaq pisariaqarpoq atuartut soraarummeertussat qanoq fagini taakkunani piginnaanngorsarneqarsinnaanersut. Campusimut isumassarsiaq periarfissaavoq aamma/imaluunniit inuussutissarsiutinut ilinniarfinni atuaqqaarfissanik pilersitsisoqarsinnaavoq, immikkoortumut sammisunut faginut piginnaanngorsarfiusussanik.
Ataqatigiissaagassanut piginnaasaqarnerulernerup qularnanngitsumik fagskolini allanilu teknikkimut sammisumik ilinniarfinni ilinniartitsinerup pitsaassusaa taamaasilluni qaffanneqarsinnaassagaluarpoq.
KNR-tv-mi meeqqat atuarfiat oqallisigineqarmat taamaallaat pineqarput ilinniartitsisunngorniartunut piumasaqaatit qaffanneqassasut aamma kissaatigineqarluni faginik immikkut piginnanngorsarfigisimasanik ilinniartisisoqartarnissaa atorluarneqarnerusariaqartoq.
Aammali oqallisigisariaqarpoq/ misissorneqartariaqarpoq meeqqat atuarfiani piginnaasat suut amingaataanersut atuartut pikkorissunngortinneqassappata taamaasillutillu periarfissagissaarnerulerlutik inuussutissarsiutinut ilinniarfinni ilinniaqqinnissaminnut.
Kim Lyberth. Suleqatigiissitsisut sinnerlugit qinigassanngortittoq