Meeqqanut inuusuttunullu immikkut sullissivissanik kommunini tamani pilersitsisoqassaaq Namminersorlutik Oqartussat tapiiffigisassaannik. Suliat meeqqanut inuusuttunullu navianartorsiortunut tunngasut sukkassutsit pingasut atorlugit suliarinqartassapput:
* Suliap tiguneraniit akunnerit 24-t ingerlareerpata sullissinermi alloriarneq siulleq naammssineqareersimasassaaq
* Akunnerit 72 -t ingerlanerini iliuusissatut pilersaarutaagallartoq naatsoq naammassineqarsimassassaaq nangeqqitassanngorlugu.
* Suliap tiguneraniit sapaatip akunnerata ataatsip ingerlanerani iliuusissanut pilersaarut naammassineqarsimasassaaq qularnaarumallugu meeqqamut taassumalu qanigisaanut imaluunniit ilaqutaasunut qaninnerpaanut suliniutit aallartinneqarnissaat.
Taskforce immikkoortumi inatsisinut piginnaanngorsarsimassaaq, paasiniaanissamut periarfissanut nutaanerpaanut ilisimasaqassaaq, inissiinissamut periarfissanut nutartikkanut ilisimasaqassaaq, pisortat aamma kattuffiit nunatsinni suliaqartut ikorfartuisinnaanerinut ilisimasaqassaaq.
Politiinut, inunnik isumaginninnermut siunnersortimut aamma inunnik isumaginninnermut siunnersortip ikiortaanut suliaqarasuartussanut innersuussisinnaassaaq. Qulaani taaneqartut annertupput pissutsit piviusut atuuttut qiviassagaanni. Kisianni immikkoortumi anguniagassat annertuut pigisariaqarpagut.
Meeqqat inuusuttullu politikerinut toqqaannartumik saaffiginnissinnaassapput aamma politikerinut annguttarnissaat qularnaarluinnartariaqarpoq assersuutigalugu Meeqqat Illersuisuat aqqutigalugu. Akissaqanngilagut sunnginnissatsinnut. Inuttut, inuiaqatigiittullu.