Inatsisartut pikkorissartarnissaat
Qinersilerpugut sivitsunngitsorlu nutaanik inatsisartoqalissaagut.
Ilaasortanngortussat inuiaqatigiinnut sinniisussapput taamaasillutalu kikkut tamat oqartussaaqataanerat qularnaassavarput.
Kisianni soorlu pisortat suliffeqarfiutaanni siulersuisunngortartut tamarik isumasioqatigiisinneqartartut taava Suleqatigiissitani kissaatigigaluaqaarput Inatsisartut arlaleriarlutik pikkorissarneqartassasut nuna tamakkerlugu siuttuunissaannut piginnaanngorsarlugit.
Suleqatigiissitsisuni – siunnersuutigilersaarparput, Inatsisartut annertuumik mikisumillu aningaasarsiornermut, aningaasarsiornermi tunngaviusumik taaguutinut tunngasunik taakkulu imaat pillugit kiisalu aningaasarsiornermut sunniutaasartut pillugit pikkorissarneqartalissasut.
Assersuutigalugu aningaasap nalikilliartortarnera, ineqarnermut tunngatillugu ernianut ilanngaatit, tunniussaqarnissamut kajumissaarisarnerit, akileraartarnerput, inatsisartut oqariartaasii, aalisakkanik nioqquteqarnissamut isumaqatigiissutigut, nunarsuarmioqatigiit akoranni niueqatigiinnermi tunngaviit il.il.
Isumaqarpugut inuiaqatigiit iluaquserneqarsinnaassasut Inatsisartut suliassaminnut piginnaaneqalernerulerpata.
Siulersusiuni ilaasortanngortut pinngitsoraatik isumasioqatigiisinneqartarput.
Isumaqasioqatigiisitsisarnerit ilaannut qinikkat pinngitsooratik peqataasalernissaat aalajangersartariaqalinngilarput?
Nunami aquttussaavarput aamma nunap aningaasarsiornera.
Isumaqarpugut siunertaqarluassasoq Inatsisartunngortut ataatsimeerngaarneranni tikilluaqqullugit pikkorissartinneqartalertuuppata.
Ataatsimiinnerimmi akornanni piffissaqartarpoq.
Tillie Martinussen
Suleqatigiissitsisut