Suleqatigiissitsisut takorloorpaat Naalagaaffeqatigiinneq nutartigaq.
Kalaallit Nunaat Naalagaaffeqatigiinnut ilaassaaq. Suleqatigiissitsisut kissaatigaat naalagaaffeqatigiinneq piuinnarani aammali Kalaallit Nunaata Danmarkillu annerusumik suleqatigiiffigissagaat. Naalagaaffeqatigiinnerup nutartikkap qularnaassavaa nunatta nunanut allanut tunngasut eqqartorneqartillugit peqataatinneqartarnissaa tamannaavorlu ilaatigut naligiinnerulluni suleqatigiinnissap nunatsinnut kingunissaasa ilassaat, tassa sutigut tamatigut Kalaallit Nunaata issiaqataatinneqartarnissaa.
Naalagaaffeqatigiinni suleqatigiinnikkut kalaallit ilinniarsinnaasaat kisimik akimanerulersinneqassanngillat; aammali peqqinnissaqarfik; inunnik isumaginninneq tassani annerusumik suliniarfigineqassapput meeqqat inuusuttullu ullumikkut ulorianartorsiortinneqartut; kiisalu aamma innarluutilinnut immikkoortoq pitsanngorsaavigineqassaaq.
Danmark Kalaallit Nunaata ineriartortinneqarneranut akileeqataassaaq. Nunatta ineriartortinnera akisoorsuuvoq, agguaqatigiisillugu nunatsinnut inuttaasup ataatsip ineriartortinneqartarnera akisunerummat Danmarkimut naleqqiullugu. Immikkoorluta nunaassaagut anginngitsunnguit ataatsimoorutali issittumi pissaanilissuulluta naalagaaffinngorsinnaavugut. Nunat tamalaat akornanni oqartussaaqataaneq isummaminik takkunneq ajorpoq, akuusut tamarmik suleqatigiinnerusariaqartussaappput.
Looqi Sigurdsen